«Pad dziasiatak aŭtamabilaŭ, pad dziasiatak kvater… Pavodziŭ siabie jak sapraŭdny bandyt» — Łukašenka pra svajho aryštavanaha pamočnika
Alaksandr Łukašenka prakamientavaŭ zatrymańnie svajho pamočnika, inśpiektara pa Hrodzienskaj vobłaści Siarhieja Raŭniejki.
Nahadajem, čynoŭnika zatrymali pry atrymańni chabaru pamieram $200 tysiač.
Čytajcie taksama: Chto taki Siarhiej Raŭniejka, zatrymany na chabary ŭ 200 tysiač dalaraŭ?
«Jon trapiŭ u pole zroku bolš za paŭtara hoda tamu. Skažu ščyra, tut pierš za ŭsio spracavali dekłaracyi ab dachodach. Kali vyvučeńnie išło kadravaje, ja zadaŭ pytańnie, adkul takaja raskoša: aŭtamabili da dziasiatka, kvatery da dziasiatka. Nie moža zvyčajny čynoŭnik i jaho siamja tak žyć, — skazaŭ kiraŭnik dziaržavy. — Ale padazreńnie padazreńniem, niejkija byli fakty. My bačyli, što, razmaŭlajučy ź biźniesmienami, jak barčuk [siabie pavodziŭ]. Niekatoryja biznesmieny źviazany z čynoŭnikami, dyk čynoŭnik niešta im robić. A hety, dapuścim, kab u Hrodzienskaj vobłaści tytuniem handlavali, kaža: vy mnie płacicie za heta. Pavodziŭ siabie jak złačyniec, samy sapraŭdny bandyt. Heta mianie ździviła».
«Prajšoŭ peŭny čas — 200 tysiač dalaraŭ. Navat biznesoŭcy ździŭlajucca. Heta ŭžo nachabnik vyšejšaj stupieni. Padčas pieradačy hetych hrošaj jaho zatrymali z hrašyma ŭ rukach. Apieracyja rychtavałasia, jana była sankcyjanavanaja mnoju», — raspavioŭ kiraŭnik dziaržavy.
Kamientary