Kamitet dziaržaŭnaj biaśpieki zatrymaŭ pry vymahalnictvie i atrymańni chabaru pamieram $200 tysiač pamočnika prezidenta pa Hrodzienskaj vobłaści Siarhieja Raŭniejku, paviedamlaje pres-słužba KDB.
Siłaviki adznačajuć, što jašče hod tamu źjaviłasia infarmacyja, što Raŭniejka atrymlivaje chabary za vyrašeńnie tych ci inšych pytańniaŭ. Hetyja fakty dakumientavalisia, pakul pry atrymańni čarhovaha chabaru pamočnika prezidenta nie zatrymali z hrašyma ŭ rukach.
U dačynieńni da Raŭniejki Kamitetam dziaržaŭnaj biaśpieki zaviedziena kryminalnaja sprava pa častcy 3 artykuła 430 Kryminalnaha kodeksa — atrymańnie chabaru ŭ asabliva bujnym pamiery asobaj, jakaja zajmaje adkaznuju pasadu. Čynoŭniku pahražaje 15 hadoŭ źniavoleńnia.
Raŭniejka byŭ pryznačany pamočnikam Łukašenki ŭ 2015 hodzie. Pierad tym jon pracavaŭ u Dziaržkantroli.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki9
Kamientary