Supracoŭniki ABEZ pryjšli na firmu da Źmitra Daškieviča ŭ dzień, kali jon vioz kryžy ŭ Kurapaty
Źmicier Daškievič viadzie strym z ofisa svajoj firmy «Cieślary», kudy z pravierkaj pryjšli supracoŭniki Adździeła pa baraćbie z ekanamičnymi złačynstvami (ABEZ).
Supracoŭniki pravaachoŭnych orhanaŭ zajavili, što ciapier viadziecca administracyjny praces i zdymka zabaroniena, adnak Daškievič admoviŭsia spynić strym.
Varta adznačyć, što pravierka milicyi pryjšła ŭ dzień, kali Daškievič z kalehami pa «Cieślarach» mieli pastavić u Kurapatach 12 novych vialikich, ułasnaručna vyrablenych kryžoŭ.
Uranku Daškieviča zatrymali pa darozie ŭ Kurapaty, tym časam na firmu da jaho vyjechaŭ ABEZ.
Ziamlu pad zabaŭlalny centr na MKADzie kala miesca masavych rasstrełaŭ hramadzian u 1937—1941 hadach Minski rajvykankam vydzieliŭ u 2000-ch. U 2012 namieśnik hienprakurora rekamiendavaŭ uładam Minskaha rajona i vobłaści spynić budaŭnictva i ŭkazvaŭ na parušeńni pry vydzialeńni ziamli, ale kiraŭniki Minskaj vobłaści praihnaravali hety zvarot. Naadvarot, pry ministru Śviatłovie Ministerstva kultury zaćvierdziła takija miežy achoŭnych zon vakoł Kurapat, pry jakich restaran moh zastavacca stajać.
Zbudavany restaran nazvali spačatku «Bulbaš-chołam», ale ŭ vyniku hramadskich pratestaŭ tak i nie adkryli, jon prastajaŭ 4 hady pusty. Novaja sproba adkryć jaho adbyłasia hetym letam. Praciŭniki hetaha dziažurać na placoŭcy kala zabaŭlalnaha centra i infarmujuć ludziej pra Kurapaty.
U Kurapackim lesie u brackich mahiłach lažać pareštki dziasiatkaŭ tysiač ludziej, rasstralanych savietami.
Ludzi patrabujuć pieranieści ci pieraprafilavać budynki «Pajedziem pajadzim». Z asudžeńniem adkryćcia restarana vystupili šmatlikija intelektuały i hramadskaja dziejačy — ad Śviatłany Aleksijevič da Mikałaja Čarhinca i Viačasłava Kiebiča. Ź imi salidaryzavalisia biznesoŭcy Juryj Zisier i Viktar Prakapienia.
Ułady pakul nie zrabili nijakich krokaŭ pa praviercy zakonnaści vydzialeńni placu pad zabudovu. Zatoje supracoŭniki MUS skłali bolš za 60 pratakołaŭ na ludziej, jakija pratestavali suprać «restarana na kaściach».
Čytajcie taksama:
«Kvoty pieravykanany»: kašmarnyja archiŭnyja dakumienty pra 1937 hod u Biełarusi
Haspadar skandalnaha restarana ŭ Kurapatach — 54-hadovy biznesmien Leanid Zajdes
Skandał u Kurapatach: kolišniaja televiadučaja BT i jaje muž-biznesmien najechali na aŭto na dvuch pikietoŭcaŭ
Prakuratura patrabavała ad Batury spynić budaŭnictva «Bulbaš-choła», ale toj nie spyniŭ
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary