Hałodny pacuk sarvaŭ pastanoŭku «Śpiačaj pryhažuni» ŭ Aŭstralii
Hałodny pacuk sarvaŭ pastanoŭku baleta «Śpiačaja pryhažunia» ŭ Adełaidzie, u Paŭdniovaj Aŭstralii.
U druhim akcie ŭ teatry raptam adklučyłasia aśviatleńnie, i ŭ zale zapanavała poŭnaja ciemra. Kala dvuch tysiač čałaviek byli evakujavanyja nieŭzabavie paśla taho, jak stała jasna, što vyklučeńnie śviatła nie było častkaj režysiorskaj zadumy.
Miascovaja enierhietyčnaja kampanija paćvierdziła paźniej, što pryčynaj pieraboju z padačaj teatru elektryčnaści byŭ pacuk.
«Pacuk zalez u 11000-voltnaje abstalavańnie i vyklikaŭ karotkaje zamykańnie», — skazała pradstaŭnica South Australia Power Network.
U vyniku dziejańniaŭ žyvioły ŭ ciemru byŭ pahružany ŭvieś rajon na nabiarežnaj, dzie raźmieščany teatry, halerei i kancertnyja zały. Było taksama sarvana vystupleńnie tancavalnaj hrupy ŭ fiestyvalnym Centry Adełaidy.
Niahledziačy na nadzvyčajnaje zdareńnie, balet praciahvaŭsia jašče niejki čas, pakul tancoraŭ nie spyniła administracyja teatra.
Im burna apładziravali z zały, aśvietlenaj u asnoŭnym tolki ekranami mabilnych telefonaŭ.
Lich Choŭkins, kiraŭnik adździeła teatra, jaki adkazvaje za repiertuar, skazała ŭ intervju Hej-bi-si, što ničoha padobnaha raniej nikoli nie zdarałasia, ale hledačy pastavilisia da hetaha spakojna.
Hledačam paviedamili, što vydatki na kvitki buduć pakryty.
Nakolki viadoma, pacuk nie pieražyŭ svajho pachodu ŭ teatr.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary