Na «Tbilisobu» pryjšło 80 000 minčukoŭ — jak heta było FOTY
1 vieraśnia ŭ Minsku ŭ čaćviorty raz prajšoŭ hruzinski fiestyval «Tbilisoba». Sioleta «Baržomi» pradstaviŭ novuju Hruziju, jakaja natchniaje žyć na ŭsie 100. Śpiecyjalna da śviata ŭ Vierchnim horadzie pabudavali park aktyŭnych zabaŭ z tarzankaj i skaładromam, pašyryli fudkort da 30 restaranaŭ, a sam fiestyval upieršyniu raskinuŭsia na terytoryi ad płoščy Svabody da nabiarežnaj Śvisłačy. Chedłajnieram stała lehiendarnaja džaz-vykanaŭca Nino Katamadze i hurt Insight.
«Tbilisoba» kožny hod zadaje trendy na nacyjanalnyja śviaty ŭ Vierchnim horadzie, ździŭlaje niezvyčajnymi fiškami i znajomić aŭdytoryju z tradycyjnaj i sučasnaj hruzinskaj kulturaj. Sioletni fiestyval nie staŭ vyklučeńniem. «Baržomi» pakazaŭ Hruziju jak krainu, jakaja natchniaje sprabavać novaje. Hanarovym hościem čaćviortaj «Tbilisoby» staŭ Kachabier Kaładze, mer Tbilisi. Dla eks-futbalista «Miłana» i kijeŭskaha «Dynama» heta pieršaja pajezdka ŭ Minsk u statusie mera.
«U hetym hodzie «Baržomi» pastaviŭ pierad saboj zadaču prapanavać biełarusam maksimum atrakcyj i novych zabaŭ. I, jak mnie zdajecca, nam heta ŭdałosia, — raspaviadaje Dzianis Krupiec, dyrektar IDS Borjomi Belarus i arhanizatar fiestyvalu «Tbilisoba». - Tak maštabna, smačna i enierhična jašče nie adznačali śviaty ŭ Vierchnim horadzie. Fiestyval praciahvaŭsia z 12.00 da 02.00 nočy, za hety čas jaho haściami stali kala 80 000 čałaviek».
Sup-charčo, chinkali ź miasam, chačapury z Adžaryi i minieralnaja vada «Baržomi» — tolki nievialiki śpis hastranamičnych zadavalnieńniaŭ novaha hruzinskaha fudkorta. Na płoščy Svabody pracavali 20 kafe i restaranaŭ, tradycyjnaje mieniu prapanoŭvali na vierandach adrazu 10 ustanoŭ Vierchniaha horada, dobraje hruzinskaje vino — u vyjaznych barach Tamada i Teliani Valley. U śpiecyjalnym vodnym bary «Baržomi» butelečku minieralnaj vady hości fiestyvalu mahli atrymać z «ruk» Rozum Robotics — partatyŭnaha robata.
Upieršyniu na fiestyvali źjaviŭsia načny «Hastradvoryk», dzie biełaruskija šef-kuchary hatavali stravy ŭsich 12 rehijonaŭ Hruzii da 02.00. Dla tych, chto pažadaŭ zabrać «kavałačak» Hruzii dadomu, da paŭnočy byŭ adkryty markiet sa śpiecyjami, čurčchiełaj, suvienirami i navat škarpetkami z vyšytymi chinkali.
Centram fiestyvalu staŭ park aktyŭnych zabaŭ «Baržomiłend» — kala tuzina atrakcyjonaŭ na Zybickaj i nabiarežnaj Śvisłačy. Adnym z samych papularnych zabaŭ parku staŭ tralej praź Śvisłač. Skočyć z 10-mietrovaj vyšyni i pramčać na chutkaści 30 km/h nad rakoj mahli hości fiestyvalu starejšyja za 4 hady. Uziać vyšyniu, ale ŭžo dla pryhožaha fota, možna było na sełfi-vyšcy. 10-mietrovy padjomnik ustalavali la samaj Ratušy, adkul adkryvaŭsia cudoŭny vid na hałoŭnuju scenu i ŭvieś Vierchni horad.
Na dziciačaj zonie «Baržomiłenda» było šmat sportu i aktyŭnych hulniaŭ: mini-futboł, vuličnaja «pana», bampierboł, tvistar, pietank i h.d. Aktyŭny adpačynak dla bolš darosłych prapanavali na placoŭcy «Banki zadavalnieńniaŭ Baržomi», padčas matčaŭ u valejboł i badminton maładyja ludzi znajomilisia i razmaŭlali, a chtości navat damoviŭsia pra sumiesny pachod na kancert.
Pahruzicca ŭ atmaśfieru Staroha Tbilisi možna było ŭ kutku dyjaspary «Mamuli» na art-terasie. Interaktyŭnaja vystava pakazała, jakija kaściumy nasili i jakija pieśni śpiavali hruziny 100 hadoŭ tamu. Z novaj kulturaj hruzinskich vulic znajomili na «Dens-scenie», dzie prajšli vidoviščnyja batły pamiž tancorami roznych staličnych škoł. Adnym z samych napružanych momantaŭ stała «bitva» brejkieraŭ i hruzinskich artystaŭ pad bity etna-barabanaŭ.
Na fiestyvali ŭpieršyniu pracavaŭ «Turbazar», dzie možna było daviedacca pra sučasnuju Hruziju i navat zabraniravać horny, vinny abo inšy niezvyčajny tur. Svaimi historyjami pra toje, jak skaryć Kaźbiek, dzie pakatacca na bajdarkach i jaki maršrut vybrać — samalot «Biełavija», aŭtobusny tur ci asabistaje aŭto — dzialilisia vandroŭniki i papularnyja błohiery.
Samyja rašučyja mahli adpravicca ź biełaruskaj «Tbilisoby» na radzimu «Baržomi» biaspłatna. Dla hetaha treba było vyjści na scenu i za adnu chvilinu pierakanać žury ŭ tym, što padarožža źmienić žyćcio na ŭsie 100. Udzielniki śpiavali, tancavali i pryznavalisia Hruzii ŭ kachańni. Tak razyhrali try pucioŭki.
Viačerniaja prahrama nie sastupała svajoj raznastajnaściu dzionnaj. Hruzinskija karotkamietražki pakazali ŭ manastyrskim dvoryku, u Muzyčnym zavułku «ažyli» karciny hruzinskaha mastaka Niko Pirasmani i jaho samabytnaj kalehi biełaruski Aleny Kiš, a vuličnyja muzyki «Piešachodki» zładzili teatralna-muzyčny pierfomans u karetnym dvoryku.
Na hałoŭnaj scenie vystupili salisty arkiestra «Tbilisi Bih-Bend», ansambl tradycyjnaj pieśni «Hruzinskija hałasy» i tancory «Erysijoni» — etna-kalektyvu sa 130-ci hadovaj historyjaj. U 22:00 na scenu vyjšła Nino Katamadze i hurt Insight. U hety čas na vułačkach Vierchniaha horada zapalilisia sotni jarkich lampačak, a na płoščy Svabody sabralisia niekalki tysiač prychilnikaŭ talenavitaj artystki. Jaje emacyjny vystup, poŭny impravizacyi i drajvu, staŭ natchnialnym zaviaršeńniem śviata.
Arhanizatarami fiestyvalu vystupili Minharvykankam, Pasolstva Hruzii ŭ Respublicy Biełaruś, meryja Tbilisi, hruzinskaje tavarystva «Mamuli» i HM «Baržomi».
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy26
Kamientary