Maładyja muzyki napisali pieśni na vieršy maładych paetaŭ. Arhanizatary konkursu «Zaśpiavaj-5» - u zachapleńni, piša Tuzin. I zhaładniełyja pa dobrych tekstach słuchačy taksama!
Jość na «Radyjo Stalica» cudoŭny prajekt «Viedaj našych», jaki daje słova maładym biełaruskim muzykam. Ale časta tamtejšyja pieśni niajomka słuchać praz słabyja teksty.
Vidać, paezija adyšła ŭ biełaruskaj muzycy na niejki vielmi daloki płan. Tym bolš ciažka heta pryniać paśla hienijalnych tekstaŭ Fioliksa Aksioncava, Michała Aniempadystava, Źmitra Łukašuka, Lavona Volskaha…
I voś žuryšsia sabie - i raptam vyjaŭlajecca, što ŭ nas stolki talentaŭ - varta tolki abjavić konkurs (dziakuj Paŭłu Bierahoviču i Siarhieju Budkinu). 25 muzykaŭ da 30 hadoŭ stvaryli pieśni na vieršy naminantaŭ premii «Debiut». Tut i ramantyčny žanočy vakał, i pieśni mieniestrelaŭ, i rok-pryviety z 90-ch, i mietał, i elektronika… I ŭsio na najlepšyja teksty sučasnaści, samy puls epochi.
Ciapier žury abiare troch najlepšych, jakim dapamohuć pravieści kancerty i zapisać ułasnyja pieśni. Adzin pieramožca atrymaje ad fonda Paŭła Bierahoviča jašče i 1500 rubloŭ. Aprača taho, usich udzielnikaŭ čakaje trochdzionnaja adukacyjnaja siesija.
Voś hieroi-muzyki: Pavał Kozič & Cichan Bukraba, Anastasija Kazakova, «Lichtar», Maximalism, Mikita (Mikita Ihnacienka), Sofja Astapiuk, Roman Voloznev, BarRokka, Ihar Pałynski, Lear (Valeryja Suravickaja), Absolem Cloud, Ihnat Sielun (L-Tanig), «Rajon119», Dymna Lotva, Lesia Stasievič, Ksienija Valšonak, Atesta, Uładzisłaŭ Lepiašynski ft. Lear, Vojstrau, Arciom Pietraševič i Michaś Lipski, Volha Dzieviałtoŭskaja i Aleh Kiecmur, Raman Najdzioncaŭ, Renoir Project, «Chołst Drajziera», iLi Family.
A voś hieroi-paety: Anton Rudak, Vital Ryžkoŭ, Ihar Kulikoŭ, Vijaleta Pačkoŭskaja, Uładź Lankievič, Nasta Mancevič, Alaksiej Arciomaŭ, Kiryła Anochin, Aleś Płotka, Iryna Bielskaja, Mikita Najdzionaŭ, Anchieła Eśpinosa Ruis, Hanna Komar.
Konkurs dla muzykaŭ, ale vynik jaho ciešyć i litaraturnym adkryćciom: akazvajecca, vakoł stolki patencyjnych rok-tekstavikoŭ! Pišycie jašče, kali łaska!
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary