Entamołahi ŭpieršyniu znajšli pčału biez maci, ale z dvuma baćkami
Entamołahi apisali 10 pčoł z adnoj kałonii, u jakich akazałasia pa dva ci try baćki i adna maci. Jašče ŭ adnoj pčały z toj ža kałonii maci nie było zusim, tolki dva baćki, paviedamlaje N+1.
Entamołahi ź Sidnejskaha ŭniviersiteta pad kiraŭnictvam Biendžamina Ołdrajda vyjavili ŭ adnoj z kałonij italjanskich pčoł (Apis mellifera ligustica) 11 asobin ź imaviernym hinandramarfizmam. Maci hetych pčoł była matka, jakaja sparvałasia z samcami i zasnavała kałoniju naturalnym šlacham. Daśledniki vyvučyli źniešnija prykmiety hinandramorfnych pčoł i ich hienatyp.
U vyniku vyśvietliłasia, što ŭ 10 z 11 pčoł sapraŭdy spałučalisia žanočyja i mužčynskija vonkavyja prykmiety i hienatyp. Častka ź ich adroźnivałasia niezvyčajnaj afarboŭkaj bruška, u piacioch pčoł byli pałavyja orhany, charakternyja dla rabočych pčoł, u traich jany byli anamalna raźvityja, amal jak u matki.
U dźviuch pčoł byli častkova žanočyja, častkova mužčynskija repraduktyŭnyja orhany. Što tyčycca hienatypu, to ŭ dźviuch asobin było pa try baćki, u astatnich — pa dva.
Ale samy niezvyčajny hienatyp byŭ u samki, u jakoj naohuł nie było maciarynskaha jadziernaha hienomu, tolki dva baćkavyja.
Vonkava jana vyhladała jak rabočaja pčała, i ad astatnich jaje adroźnivała tolki niezvyčajnaja afarboŭka bruška. Ale jaje hienatyp, imavierna, atrymaŭsia ŭ vyniku źlićcia dvuch baćkavych jadziernych hienomaŭ, što, pa słovach aŭtaraŭ daśledavańnia, źjaŭlajecca pieršym viadomym vypadkam u pierapončatakryłych.
-
U Rasii dla Android zrabili niezvyčajnuju kłavijaturu— jana adrazu pakazvaje termin za kamientar, što vy napisali
-
Navukoŭcy razhadali tajamnicu naradžeńnia Miesiaca
-
Nazad da ručki i zabarona na smartfony: univiersitety vymušanyja źmianiać farmat zaniatkaŭ i kantrolnych, inakš ŠI nie daje ni vučyć, ni pravieryć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary