Jak paviedamili ŭ pres-słužbie Minharvykankama, jaho staršynia Uładzimir Kucharaŭ pravioŭ naradu z udziełam śpiecyjalizavanych słužbaŭ i pradstaŭnikoŭ RUP «Biełtelekam». Padčas jaje abmierkavali prajekty pa kantroli jakaści žyllova-kamunalnych pasłuh i zachavańni praviłaŭ parkoŭki.
Prablema niedachopu parkovak u Minsku ŭzdymajecca nie ŭpieršyniu. U krasaviku 2025 hoda ŭ Minharvykankamie paviedamlali, što ŭ horadzie zarehistravana ŭžo 900 tysiač aŭtamabilaŭ, a štodnia ŭ Minsk zajazdžaje kala 200 tysiač mašyn. Kucharaŭ padkreślivaŭ, što heta stvaraje vialikuju nahruzku, tamu robiacca značnyja inviestycyi ŭ raźvićcio haradskoha hramadskaha transpartu, praciahvajecca budaŭnictva mietrapalitena.
Ciapier ža jon zajaviŭ:
«Kolkaść zarehistravanych aŭtamabilaŭ u Minsku nabližajecca da miljona. Aktualnym zastajecca pytańnie bieśpieraškodnaha pieramiaščeńnia transpartu, asabliva ŭ centry horada. Vyrašyć hetuju zadaču možna pry dapamozie novych technałohij i videanazirańnia ŭ pryvatnaści».
Jon taksama adznačyŭ, što ludzi, jakija jeduć u centr na aŭtamabili, pavinny razumieć, što mašyny treba dzieści pakidać. Ale na siońniašni dzień ułada nie moža stvaryć dastatkovuju kolkaść parkovačnych miescaŭ i novych parkinhaŭ.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary