Na rekanstrukcyi Čyrvonaha kaścioła budaŭniki źbiralisia vykinuć pakinutyja tam ikony i knihi
Ale na heta źviarnuli ŭvahu vierniki — rečy atrymałasia vyratavać, piša katolik.life.
U minskim Čyrvonym kaściole (śviatoha Symona i śviatoj Aleny) praciahvajecca rekanstrukcyja.
Vierniki daviedalisia, što budaŭniki pa ŭkazańni ŭłaśnika kaścioła, dziaržpradpryjemstva «Minskaja spadčyna», źbiralisia vykinuć adtul abrazy, knihi, inšyja relihijnyja pradmiety, jakija «nie zabrali adkaznyja asoby».
Zdymki z pakinutymi rečami apublikavali ŭ sacsietkach — tady pra heta daviedalisia vierniki. Tyja danieśli infarmacyju pra heta da duchavienstva, ale chutkaj reakcyi nie było.
Tamu vierniki sami pastaralisia vyratavać abrazy, partret fundatara kaścioła Edvarda Vajniłoviča, knihi (u tym liku Biblii, lekcyjanaryi, malitoŭniki), repradukcyju Jezusa Miłasernaha. Niekatoryja rečy ŭžo znachodzilisia ŭ śmietniku.
Jak zaŭvažaje katolik.life, siarod rabočych u Čyrvonym kaściole — musulmanie z Tadžykistanu. Ich ździviła takoje staŭleńnie da relihii.
«Jany byli jašče bolš zaniepakojenyja situacyjaj: jaki prykład pakazvajuć chryścijanie pradstaŭnikam inšaj kanfiesii ŭ adnosinach da svaich śviatyniaŭ?», — piša partał.
Paviedamlałasia, što pracy ŭ chramie viadzie hienpadradčyk «Minskprambud», jaki naniaŭ zamiežnych rabotnikaŭ. Rekanstrukcyju pavinny zaviaršyć u studzieni 2027 hoda.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary
----------
Ułaśniki - łukašenaŭskija biazbožniki i saŭkoŭskija barbary.
Takoje staŭlańje pa usioj krainie, dzie źniščajecca usia histaryčnaja i kulturnaja spadčyna.