«Pišuć, što vinavataja ŭłada». Siłaviki kašmarać hrodziencaŭ, niezadavolenych zabaronaj kancertaŭ u centralnych dvorykach
Temu vielmi aktyŭna abmiarkoŭvajuć u sacyjalnych sietkach, ludzi aburajucca. Siłavikam heta nie padabajecca.
U Hrodnie haradskija ŭłady niadaŭna zabaranili muzykam hrać na vulicy ŭ centralnych dvorykach, u tym liku na papularnaj u žycharoŭ Mastavoj. Pad zabaronu taksama trapiła hučnaja muzyka z kałonak i dydžej-sety.
Zabarona vyklikała ažyjataž u sacyjalnych sietkach. Mnohija hrodziency ličać, što hetaja zabarona pazbaviła horad adnoj ź jaho asablivaściaŭ. Za kamientaryjami sočać siłaviki. Adzin z praŭładnych kanałaŭ paviedamiŭ, što ludziej, jakija vykazvajuć niezadavalnieńnie, užo vyklikajuć u milicyju. Ich «vina» ŭ tym, što jany abvinavačvajuć uładu ŭ zabaronie kancertaŭ.
«Usie «kamientatary» ŭžo ŭstanoŭlenyja kampietentnymi orhanami. Heta robicca chutčej, čym Google vyznačaje vaša miescaznachodžańnie. Tych, chto pierastaraŭsia, vidavočna pierajšoŭ miažu, čakaje «ŭznaharoda». Ich užo vyklikajuć kudy treba, razmaŭlajuć, papiaredžvajuć, prosiać zadumacca», — piša praŭładny kanał.
Hrodzienskija ŭłady taksama prakamientavali situacyju. U harvykankamie zajavili, što anijakaj zabarony byccam by niama.
«U apošni čas u sacyjalnych sietkach abmiarkoŭvajecca tema tak zvanych «muzyčnych dvorykaŭ» i mahčymych abmiežavańniaŭ na vystupleńni. Chočam zapeŭnić: zabarony niama. Adnak my pracujem nad tym, kab pryvieści tvorčyja placoŭki ŭ pravavoje pole, zrabiŭšy ich zručnymi i biaśpiečnymi dla kožnaha», — havorycca ŭ paviedamleńni.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu1
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary