Alimpijski litrboł. Viktar Łukašenka i Alaksandr Zajcaŭ zapuścili ŭłasnuju sietku kram ałkaholnaj pradukcyi
U Biełarusi źjavilisia novyja ałkakramy «Dub zialony». Ich zapuściŭ biźniesmien Alaksandr Zajcaŭ, blizki da siamji Łukašenki čałaviek. A jaho partnior pa hetym biznesie — Viktar, syn Alaksandra Łukašenki i kiraŭnik Nacyjanalnaha alimpijskaha kamiteta.
U lipieni 2025 hoda ŭ Pružanach, na małoj radzimie «kašalka» Łukašenki Alaksandra Zajcava, adkryłasia pieršaja krama ałkaholnaj pradukcyi pad brendam «Dub zialony». Miascovaja rajonnaja hazieta anansuje zapusk cełaj sietki ałkamarkietaŭ va ŭsioj Biełarusi. «Biuro» daviedałasia, što hety tavarny znak Zajcaŭ u lipieni 2023 hoda zarehistravaŭ na siabie asabista.
Sama krama ŭ Pružanach naležyć firmie «Hłauhandalpred» (zarehistravanaja ŭ takim napisańni).
Na jaje ž u sakaviku 2025 hoda byŭ zarehistravany jašče adzin ałkapunkt «Dub zialony» ŭ Pinsku.
51% «Hłauhandalpreda» znachodzicca va ŭłasnaści ŭ Alaksandra Zajcava. Adnak spojvać biełarusaŭ biznesoviec płanuje nie adzin, a ŭ kampanii Viktara Łukašenki — 49% firmy zapisanyja na Nacyjanalny alimpijski kamitet (NAK), jaki z 2021 hoda i ŭznačalvaje starejšy syn Alaksandra Łukašenki.
Praŭda, kolki partniory zarobiać na novaj ałkaholnaj sietcy, nieviadoma — usia buchhałtarskaja spravazdačnaść kampanii zasakrečanaja jak padatkovaja tajamnica zhodna z pastanovaj Savieta ministraŭ.
Akramia «Duba zialonaha», z 2021 hoda «Hłauhandalpred» taksama vałodaje supiermarkietam biaspošlinnaha handlu na aŭtamabilnym pamiežnym pierachodzie Bierastavica/Babroŭniki na miažy z Polščaj.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary
Amal da pałovy akcyzaŭ z prodažu ałkaholu i cyharet idzie nie ŭ biudžet dziaržavy, a praz asobnyja rachunki pieralivajecca na administracyju Łukašenka i idzie ŭ asabisty biznes siamiejki.
Siamiejka Łukašenka zacikaŭlena kab ŭ krainie ŭsie śpivalisia i praciahvaŭsia ałkaholny hienacyd biełaruskaj nacyi.
Ŭ BIEŁARUSI hety pakazčyk pry Łukašenku ŭzroz ŭ razy. Z tych ža 8 litraŭ na pačatak 1990 da bolš čym 12-15 litraŭ i bolš. Łukašenkaŭski BSSR adna z samych ałkaholnych i adna z samych pjučych krain ŭ śviecie. Łukašenka i jahonaja siamiejka naŭmysna tvorać AŁKAHOLNY HIENACYD BIEŁARUSKA NARODU.