Biełaruskamoŭnyja pieśni Jarasłava Jeŭdakimava, jakomu pry Łukašenku zabaranili vystupać — padborka
Aksamitny hołas Jarasłava Jeŭdakimava ŭ 1980-ja hady hučaŭ na Biełaruskim radyjo štodnia. Tady ludzi viedali jaho pieśni na pamiać. Ale maładoje pakaleńnie ich i nie čuła. Sabrali padborku ich.
Jarasłaŭ Jeŭdakimaŭ — śpiavak z praniklivym liryka-dramatyčnym barytonam. Pryčym toj vypadak, kali tvar adpaviadaŭ hołasu.
Vysoki i statny, z zadumiennym pozirkam, hety syn represavanych rasijanina i ŭkrainki na scenie zdavaŭsia ramantyčnym hierojem, čyj unutrany śviet adkryvajecca praz aksamitny tembr hołasu.
Jeŭdakimavu paščaściła trapić u Biełaruś — pierajechaŭ u Minsk da žonki-biełaruski. Druhi raz paščaściła — być sučaśnikam talenavitych paetaŭ-piesieńnikaŭ Hienadzia Buraŭkina, Uładzimira Niaklajeva i Niła Hileviča.
Na vybarach-2001 u Biełarusi śpiavak padtrymaŭ apazicyjnych kandydataŭ. U vyniku i na piku karjery, i na schile žyćcia Jeŭdakimaŭ vymušany byŭ žyć u Rasii dy zarablać pieśniami na ruskaj movie.
Usie małyja jeŭrapiejskija krainy ŭsialak padtrymlivajuć tvorčaść na svaich nacyjanalnych movach. Biełaruś apošnija dziesiacihodździ stała vyklučeńniem.
My sabrali padborku piesień Jarasłava Jeŭdakimava, jakija amal nie vykonvalisia ŭ Biełarusi apošnija dziesiacihodździ. U inšych krainach jany zajmieli b bolš sučasnyja aranžyroŭki, ich pierapieli b na sučasny ład. Moža być, heta ažyćciavić novaje pakaleńnie vykanaŭcaŭ.
Jarasłaŭ Jeŭdakimaŭ. Začarovanaja maja (Patuchajuć, ciamniejuć vysi…)
«Patuchajuć, ciamniejuć vysi…». Słovy Hienadzia Buraŭkina, muzyka Ihara Łučanka.
Jarasłaŭ Jeŭdakimaŭ. Biełyja kryły
«Tolki znoŭ na dziacinstva svajo azirnusia…». Słovy Hienadzia Buraŭkina, muzyka Eduarda Zaryckaha.
Jarasłaŭ Jeŭdakimaŭ. Zamova
«Na klonach znoŭ liścio zharaje…». Słovy Uładzimira Niaklajeva, muzyka Eduarda Zaryckaha.
Jarasłaŭ Jeŭdakimaŭ. Pałynovaja rostań
«Znaju, mnie nie viartacca hetym šlacham nikoli…». Słovy Niła Hileviča, muzyka Eduarda Zaryckaha.
Jarasłaŭ Jeŭdakimaŭ. Zavirucha
«Bieły śnieh, bieły śnieh, bieły śnieh...». Słovy Hienadzia Buraŭkina, muzyka Eduarda Chanka.
Jarasłaŭ Jeŭdakimaŭ. Miesiac małady
«Na ziamli takoje ŭžo było…» Słovy Hienadzia Buraŭkina, muzyka Eduarda Zaryckaha.
Na rasiejskamoŭnaj prastory sapraŭdnym chitom Jeŭdakimava stała pieśnia «Fantazior». Tolki ŭ jutub-kanale śpievaka jana sabrała bolš za 27 miljonaŭ prahladaŭ.
Jarasłaŭ Jeŭdakimaŭ. Fantazior
Słovy Siarhieja Ramanava, muzyka Alaksandra Marozava.
A jašče Jarasłaŭ Jeŭdakimaŭ z pačućciom śpiavaŭ rodnyja dla jaho ŭkrainskija pieśni.
Jarasłaŭ Jeŭdakimaŭ. Pieśnia pra maci
(Słovy Andreja Małyški, muzyka Płatona Majbarady)
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary