Były namieśnik ministra zamiežnych spraŭ i pasoł Biełarusi ŭ Aŭstryi, a ciapier staršynia parłamienckaj kamisii pa mižnarodnych spravach Valeryj Varaniecki padzialiŭsia ŭ svaim fejsbuku paviedamleńniem Akademii navuk pra toje, što ŭ ich prachodzić «Tydzień rodnaj movy».
Pad dopisam razharnułasia dyskusija i, u adkaz na adno z paviedamleńniaŭ, Varaniecki vykazaŭ upeŭnienaść, što «nam patrebnyja taksama ŭniviersitety ź biełaruskaj movaj vykładańnia».
«Naša Niva» paprasiła deputata i dypłamata patłumačyć, čamu heta zdajecca jamu važnym.
«Zrazumieła, što heta źviazana ź miescam i rolaj movy ŭ hramadstvie, — skazaŭ Varaniecki. — Siońnia jana, my bačym, niedastatkova zapatrabavana jak srodak znosin i, zrazumieła, maje patrebu ŭ dziaržaŭnaj padtrymcy. Kaniečnie, važna farmavać u hramadskaj śviadomaści staŭleńnie da biełaruskaj movy jak da nieadjemnaha i najvažniejšaha składnika samabytnaj kultury, samabytnaści našaha narodu, pavyšać jaje hramadski prestyž».
«Heta najvažniejšy atrybut našaj dziaržaŭnaści, mova maje vializnaje značeńnie ŭ spravie zachavańnia našaha kulturnaha koda i pieradačy jaho naščadkam, heta naša nieasprečnaja spadčyna. Adsiul i razvažańni, i razumieńnie taho, što kali my hladzim u budučyniu našaj dziaržavy, u budučyniu našaj adukacyi, u tym liku, to pavinien abaviazkova być biełaruski ŭniviersitet ź biełaruskaj movaj vykładańnia», — padsumavaŭ jon.
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary