Navinku ad Bresckaha pančošnaha kambinata nazvali adpaviedna: «kandasok» (ad anhł. condom — preziervatyŭ i sock — škarpetki).
Słohan, jaki napisany na ŭpakoŭcy škarpetak, hučyć tak: «Naciahnuć lohka!»
Škarpetki źviernutyja abarankam i zapakavanyja ŭ płastyk. Kali pakupnik razhubiŭsia i nie viedaje, jak pravilna apranać škarpetki, to na etykietcy jość QR-kod — jon viadzie na videainstrukcyju.
Dyrektar pradpryjemstva Siarhiej Žaŭniarovič raskazaŭ «Našaj Nivie», što ideja škarpetka-preziervatyvaŭ naležyć niepasredna jamu:
«Tak atrymałasia. Ja dumaŭ nad tym, jak pavinny vyhladać škarpetki, kab było praściej ich apranać. Tak i naradziłasia ideja: nie naciahvać škarpetki, a razmotvać ich. Kali zapuścili vytvorčaść, pasprabavali abuvacca sami. I sapraŭdy, tak chutčej! Da taho ž adzin z našych supracoŭnikaŭ raskazaŭ, što jaho maleńki syn takim čynam zdymaje škarpetki. Tak što škarpetki ŭ stanie abaranka — całkam naturalnaja reč».
Siarhiej Žaŭniarovič raskazaŭ, što amal hod spatrebiŭsia, kab znajści pastaŭščyka ŭpakoŭki i dyzajniera, jaki b raspracavaŭ upakoŭku.
«A voś technałohija skručvańnia dastatkova prostaja. U nas škarpetki ŭ abaranak skručvaje adzin čałaviek», — tłumačyć jon.
Płanavałasia vypuścić škarpetku-preziervatyŭ da 1 krasavika.
«Heta prykolna, — raskazvaje Siarhiej Žaŭniarovič, — našy navinki zaŭsiody vyklikajuć u ludziej pazityŭnyja emocyi. Chaj to survetka-škarpetki abo škarpetki z majtkami, jakija vypuskajucca ŭ tubusie. Što tyčycca asabista mianie, to ja nabudu 50 upakovak takich škarpetak, kab daryć ich svaim znajomym, kab brać ich z saboj u vyhladzie suvieniraŭ za miažu».
Kandasoksy — heta zvyčajnyja mužčynskija škarpetki čornaha koleru. I kaštujuć amal 3 rubli.
Ciapier čytajuć
Pamiatajecie čynoŭnika, jakoha kreatyŭna admazali ad zabojstva čałavieka na palavańni? Jon admazaŭsia znoŭ7
Kamientary