Z hrybami i suślikam. Mark Formelle vypuściła kalekcyju pa matyvach Čyrvonaj knihi FOTY
Kampanija Mark Formelle sumiesna ź biełaruskimi mastakami vypuściła novuju kalekcyju cišotak i zaplečnikaŭ, dzie pradstaŭleny žyvioły i raśliny, zaniesienyja ŭ Čyrvonuju knihu Biełarusi.
Hetym prajektam brend vyrašyŭ pryciahnuć uvahu da prablem ekałohii. Dla paraŭnańnia: kali ŭ pieršuju Čyrvonuju knihu, vydadzienuju ŭ 1981 hodzie, było ŭklučana 80 vidaŭ žyvioł i 85 vidaŭ raślin, to ŭ apošniuju redakcyju — 202 i 303 vidy adpaviedna. Prajekt padtrymała Minpryrody.
Prynty prydumali maładyja biełaruskija mastaki — Nika Sandras, Micia Piślak, Nadzieja Makiejeva, Alaksiej Limonaŭ, Hanna Radźko, Alaksandr Sidarovič i Doctor Oy.
Na novych cišotkach — žuk-aleń, raby suślik, sipucha, vienieryn čaravičok i inšyja źnikajučyja vidy dzikich žyvioł i raślin.
— Bačym, što padrastajučaje pakaleńnie, jakoje vychodzić na arenu, bolš aktyŭnaje, nie cikavicca tolki spažyviectvam, modaj. Ich cikaviać ekałohija, vałanciorskija prajekty. I my adstaniem, kali nie budziem adpaviadać ich zapytam, — skazaŭ na prezientacyi dyrektar kampanii Andrej Sierykaŭ.
Kalekcyja Red Book budzie limitavanaj. Častka srodkaŭ ad jaje prodažu pojdzie pryrodaachoŭnym arhanizacyjam i prytułkam dla žyvioł (siarod ich — abjadnańnie «Zoašans»).
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy44
Kamientary