U Mahilovie pačali vyzvalać miascovych cyhanoŭ, zatrymanych u dzień zabojstva supracoŭnika DAI
Z Mahiloŭskaha izalatara časovaha ŭtrymańnia pačali vyzvalać pradstaŭnikoŭ cyhanskaj mienšaści, piša Radyjo Svaboda.
Pavodle Radyjo Svaboda, bolš za 60 cyhanoŭ byli zatrymanyja ŭviečary 16 maja i abvinavačanyja ŭ chulihanstvie. Ale źniavoleńni, nibyta, byli źviazanyja z vykradańniem i zabojstvam u toj viečar supracoŭnika mahiloŭskaha DAI Jaŭhienija Patapoviča.
Milicyjant nibyta paviedamiŭ, što jon vykradzieny ludźmi «cyhanskaj abo kaŭkaskaj źniešnaści». Aficyjnaj infarmacyi na hety kont, adnak, nie ahučvałasia. Cieła 22-hadovaha Patapoviča było znojdziena za paŭhadziny da taho, jak adbylisia masavyja aryšty cyhanoŭ.
— Vyzvalenyja ź izalataru raspaviali, što im inkryminavali «drobnaje chulihanstva». Ci składali pratakoły — nia pamiatajuć. Spałochanyja. Učora zabrali adnaho ŭ balnicu. U dadzieny momant na svabodu vyjšli blizu 20 čałaviek. — raspavioŭ Svabodzie adzin z prysutnych.
Razmaŭlać z žurnalistami vyzvalenyja mužčyny nie žadajuć.
Za kratami znachodzilisia tolki mužčyny, žychary mahiloŭskich pasiołkaŭ Čapajeŭka i Hrabianiova, dzie kampaktna pražyvajuć cyhany.
Apytanka
Čytajcie taksama:
«Usich mužčyn zakryli, pasiołak staić pusty!» — paśla zabojstva daišnika ŭ Mahilovie milicyja masava zatrymlivała cyhanoŭ REPARTAŽ
Cyhanski baron Mahilova: Pad vartaj ciapier kala sotni čałaviek
-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
U harach Kyrhyzstana z drona adšukali cieły źnikłych biełaruskich alpinistaŭ
-
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
Kamientary