Pres-sakratar BPC patłumačyŭ, čamu «baciuška sa svastykaj» usio jašče ličycca śviatarom
Sakratar hramadckaj naziralnaj kamisii achovy pomnikaŭ pry Ministerstvie kultury Pavieł Karaloŭ u fejsbuku spytaŭ u pradstaŭnikoŭ BPC, čamu Kanstancin Burykin, viadomy jak «baciuška sa svastykaj», usio jašče ličycca śviatarom.
Pres-sakratar BPC Sierhij Lepin daŭ nastupny adkaz
1. Sapraŭdy, na dadzieny momant Burykin nie pazbaŭleny sanu, a zabaronieny ŭ śviatarskim słužeńni, bo artykuł, pavodle jakoha jon asudžany, nie ŭtrymlivaje ŭ sabie kananičnaha złačynstva, jakoje praduhledžvaje takuju mieru ŭździejańnia. Prosta za fakt zachoŭvańnia ržavaha karkasa pistalecika i patrona nie ad jaho nie pazbaŭlajuć sanu. Abstaviny spravy nie dajuć mahčymaści asudžeńnia Burykina zavočna, bieź jahonaj prysutnaści na carkoŭnym sudzie.
2. Svastyki, jakija zastalisia na ciele Burykina, źjaŭlajucca vynikam jaho raniejšaha žyćcia, u jakim jon raskajaŭsia i prychilnaść da jakoha bolš nie vyjaŭlaŭ. U advarotnym vypadku, propaviedź nacyzmu sapraŭdy mahła b stać padstavaj dla pazbaŭleńnia jaho sanu. Ale za toje, što mahło być, i nieviadoma, ci było, a, značyć, nie było, sanu nie pazbaŭlajuć.
3. Sana nie pazbaŭlajuć na padstavie patrabavańniaŭ błohieraŭ i žurnalistaŭ, kali tyja ŭ vyznačanym paradku nie dakažuć svaje abvinavačvańni ŭ złačynstvach, jakija patrabujuć takoj miery. Pa pytańni hvałtu małaletnich — tolki praz hramadzianski sud.
4. Zaraz Carkva nie vałodaje ŭłasnym sudom i srodkami daznańnia pa kryminalnych spravach dla duchavienstva i sama nie pravodzić śledstvaŭ pa kryminalnych złačynstvach, całkam spadziejučysia na vyniki pracy hramadzianskich sudoŭ i śledčych orhanaŭ. Na čas śledstva kliryki zaŭsiody zabaraniajucca ŭ śviatadziejstvie — da vyśviatleńnia abstavinaŭ i rašeńnia suda. Kali ŭ vyznačanym zakonam paradku budzie dakazanaja vina Burykina ŭ zhvałtavańni małaletniaj dački, to jaho pazbaviać sanu. Jak pakazvaje praktyka pravaprymianieńnia, pa takich abvinavačvańniach rašeńnie ab pazbaŭleńni sanu moža być vyniesiena i pry adsutnaści abvinavačanaha kliryka na carkoŭnym sudzie — zavočna.
5. Razvažańni pra toje, «chto bolš niebiaśpiečny» [razmova išła pra Alaksandra Šramko, jakoha časova adpravili pa-za štat], pakinu biez kamientaru jak emacyjnyja. Dziakuj.
«Raskazała tolki mamie, na jaje mahile»: žudasnaja spoviedź dački «baciuški sa svastykaj» pra toje, što jon rabiŭ ź joj
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno2626
Kamientary