Uziać bilet na brescki ciahnik, pahladzieć kino-siurpryz, źjeździć na palihon — čym zaniacca na hetym tydni
Hladzicie varyjanty na 1—5 lipienia.
Paŭdzielničać u ekałahičnaj akcyi «Pakied, pakiet»
U čaćvier 4 lipienia biełarusam prapanujuć ubačyć miesca, dzie štodnia chavajuć bytavoje śmiećcie minčukoŭ — palihon «Traścianiecki». Arhanizatary ŭpeŭnienyja, što ekskursija ŭ «advarotny bok čystaha horada» natchnić kožnaha ŭziać u kramie choć by na adzin pakiet mienš. Kab źjeździć na palihon i na raźmieščany pobač zavod, dzie sartujuć śmiećcie, treba padać zajaŭku i raskazać pra svaju matyvacyju. Zrabić heta možna tut.
Na kožnuju ź biaspłatnych ekskursij adbiaruć 40 haradžan.
Kali pieršy ŭčastak hetaha palihona zapaŭniali adchodami 10 hadoŭ, to druhi, taki ž pa płoščy, užo praz 1,5 hoda apynuŭsia zahružany napałovu.
Udzielniki ekskursii taksama naviedajuć sartavalny zavod «Śpieckamunaŭtatrans», dzie sa śmiećcia biaruć karysnyja resursy, kab pierapracavać ich i pakinuć mienš adchodaŭ. Zavod dapamahaje pieratvarać vykarystanuju płastykavuju ŭpakoŭku ŭ futbolnuju formu, sadovuju meblu i inšyja fajnyja rečy.
Dzie: palihon «Traścianiecki»
Kali: 4 červienia (čaćvier), 10:00
Kolki: biaspłatna
Pahladzieć kino biaspłatna — KINOkorpus: Unknown Movie
Kožnuju sieradu ŭ «Korpusie» pakazvajuć filmy. Biaspłatna. Fiškaj prajekta źjaŭlajecca toje, što da apošniaha nichto (navat sami arhanizatary) nie viedajuć, što buduć pakazvać hetym razam. Vyrašajecca heta z dapamohaj skrynki z nazvami roznych filmaŭ i čyjojści ščaślivaj ruki. Arhanizatary papiaredžvajuć, što ŭ skryncy moža nie znajścisia nivodnaha filma, nazvu jakoha vy kaliści b čuli. Film moža jak začapić vas ź pieršaj chviliny, tak i pakinuć abyjakavym da kanca sieansa. Ad hetaha i cikaviej!
Dzie: Korpus (pr-t Mašerava, 9/8)
Kali: 3 lipienia (sierada), 20:00
Kolki: biaspłatna
Uziać «Bilet na brescki ciahnik», ale tak i nie pabačyć Brest
Zatoje pabačyć, jak adbyvajecca samavyznačeńnie čałavieka, jaki nie moža znajści sabie miesca pa žyćci i dumaje, što za miažoj budzie lepiej. A kali bolš kankretna — u Maskvie. Pamiatajecie, jak śpiavaŭ Lavon Arturavič «Adkul ni ŭciakaj, kudy ni biažy… I tut ty čužy, i tam ty čužy»? U čaćvier vas čakajuć u Dramatyčnym teatry, kab pravieryć, ci tak jano nasamreč.
Kvitki možna nabyć na bycard.by/afisha.
Dzie: Respublikanski teatr biełaruskaj dramaturhii (vuł. Krapotkina, 44)
Kali: 4 lipienia (čaćvier), 19:00
Kolki: 14.00 — 15.00 BYN
Pahladzieć na zornaje nieba ŭ płanietaryi
Absiervatoryja minskaha płanietaryja adkryła siezon nazirańniaŭ. Usie achvotnyja zmohuć palubavacca ŭ teleskop najbolš cikavymi niabiesnymi abjektami: dvajnyja i kratnyja zorki, zornyja navały, hałaktyki, płaniety, Miesiac.
Płanujučy naviedvańnie Absiervatoryi, abaviazkova ŭdakładniajcie infarmacyju ŭ toj ža viečar na sajcie observatory.planetarium.by.
A na vychadnych zaprašajuć panazirać taksama i za Soncam.
Dzie: Minski Płanietaryj (vuł. Frunzie, 2)
Kali: 3-5 lipienia (sierada-piatnica), pryblizna 23:00, ale čas štodnia źmianiajecca i pakazvajecca ŭ šapcy sajta
Kolki: biaspłatna
Płanujcie svoj tydzień razam z Afisha.nn.by
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary