Chto staŭ «Pannaj Tbilicoba»? Jak prajšoŭ konkurs pryhažości, dzie hałoŭnym kryteram adboru byli brovy
18 žniŭnia, napiaredadni fiestyvalu družby Hruzii i Biełarusi «Tbilisoba», prajšoŭ niezvyčajny konkurs pryhažości «Panna Tbilisoba», dzie pretendentak aceńvali pa brovach. Jany pavinny byli adlustroŭvać charaktar dziaŭčat.
Taki kryter arhanizatar, brend «Baržomi», vybraŭ nie vypadkova: śviata kultury Hruzii, na jakim adbudziecca ŭračystaja karanacyja pieramožcy konkursu pryhažości, sioleta projdzie pad łozunham «Śviata z hruzinska-biełaruskim charaktaram». Dziasiatki minčanak zachacieli stać tvaram śviata «Tbilisoba». Uładalnicaj samych charaktarnych brovaŭ apynułasia Jaŭhienija Ščykno — budučaja architektarka, jakaja ŭ volny čas zachaplajecca dydžeinham. Favarytka atrymaje hadavy abaniemient u broŭ-bar Fedina i zapas vady «Baržomi», jakoha chopić na hod napierad.
Mierapryjemstva prajšło ŭ broŭ-bary Fedina, dzie ŭsie majstry — mužčyny. Čyje brovy lepš za ŭsio adlustroŭvajuć indyvidualnaść, vyrašała žury. Na karonu pretendavali dziaŭčaty ź luboj formaj i koleram brovaŭ, a taksama lubych uzrostaŭ: samaj małodšaj udzielnicy było 5 hadoŭ. Pakul vyznačali, chto stanie «Pannaj Tbilisoba», udzielnicy katalisia na futravym aŭtamabili «Baržomi» (aryhinalnym transpartnym srodku «z charaktaram») i naviedvali majstar-kłasy pa makijažy i karekcyi brovaŭ ad vizažystaŭ sałona. Padčas konkursu sudździ syšlisia ŭ mierkavańni, što dla padkreślivańnia indyvidualnaści treba prosta być naturalnaj. Bo brovy — heta taja častka źniešnaści, jakuju nie schavaješ, jak i jarki charaktar. 24 žniŭnia, u dzień praviadzieńnia fiestyvalu «Tbilisoba», pieramožcy konkursu ŭručać zasłužany pryz i karonu.
Na fiestyvali ŭ Vierchnim horadzie kožny achvotny zmoža paekśpierymientavać nad brovami ŭžo ŭ nastupnuju subotu. Majstry z sałona Fedina zrobiać makijaž brovaŭ lubomu achvotnamu.
Akramia hetaha, na admysłovaj tancplacoŭcy «Baržomi» razhorniecca batł pamiž kartuli (hruzinski viasielny taniec), lavonichaj, chip-chopam i brejkdansam. A na hruzinskim viasielli, jakoje projdzie prosta padčas fiestyvalu, možna budzie pasłuchać samy doŭhi tost i paznajomicca z tradycyjnymi abradami dźviuch krain: Hruzii i Biełarusi.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary