life:) pašyryŭ pakryćcio 4G-sietki ŭ 32 nasielenych punktach
life:) praciahvaje pašyrać sietku 4G: apieratar zapuściŭ 176 novych bazavych stancyj u 32 nasielenych punktach Biełarusi. Suviaź čaćviortaha pakaleńnia ŭpieršyniu stała dastupnaja abanientam life:) u ahraharadku Novy Dvor Minskaha rajona i vioscy Słabada Pietrykaŭskaha rajona.
Novyja bazavyja stancyi źjavilisia ŭ Minskim, Hrodzienskim, Viciebskim, Homielskim, Aršanskim, Połackim, Navapołackim, Salihorskim, Barysaŭskim, Uździenskim, Tałačynskim, Biešankovickim, Słuckim, Dubrovienskim i Pastaŭskim rajonach.
Značna pavialičana kolkaść bazavych stancyj 4G u Žodzinie, Barysavie, Połacku i Navapołacku. Pa adnoj bazavaj stancyi dadatkova atrymali Salihorsk, Maładziečna, Dziaržynsk, Stoŭbcy, Kałodziščy, Tarasava, Marjina Horka, Hłybokaje, Niaśviž, Słuck, Baravaja (Minski rajon), Staryja Darohi, Haradok, Bałbasava (Aršanski rajon), Słabada.
Usie łakacyi dla novych bazavych stancyj byli abranyja zychodziačy z zahružanaści i patrebaŭ abanientaŭ. Ich zapusk pavialičvaje jakaść i chutkaść pieradačy dadzienych i dazvalaje abanientam karystacca mabilnym internetam na bolš kamfortnych chutkaściach.
— Dola karystalnikaŭ 4G siarod abanientaŭ life:) raście z kožnym dniom i siońnia składaje bolš za 60%. Tamu my ŭvieś čas pašyrajem sietku i hatovyja da narastajučych nahruzak. Užo ŭ najbližejšy čas u našaj sietcy stanuć dastupnyja novyja bazavyja stancyi 4G u nasielenych punktach krainy. Raźvićcio 4G-sietki nie tolki ŭ bujnych haradach, ale i ŭ rehijonach — heta nastupny krok dla zabieśpiačeńnia maksimalnaha kamfortu našych abanientaŭ na terytoryi ŭsioj Biełarusi, — prakamientavaŭ namieśnik hienieralnaha dyrektara life:) pa mabilnaj sietcy Ihar Sasonkin.
Prajekt pa raźvićci 4G-sietki life:) pravodzić u partniorstvie ź infrastrukturnym apierataram BeCloud. Siońnia ŭ life:) 1708 bazavych stancyj standartu 4G pa ŭsioj Biełarusi. Pa vynikach žniŭnia 2019 hoda ŭ siarednim abanientu life:) dastatkova kala 6HB mabilnaha trafiku ŭ miesiac. Bolš za ŭsio vykarystoŭvajuć mabilny internet abanienty Minskaha i Homielskaha rehijonaŭ.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary