Kiraŭnik Słonima Hienadź Chomič vyrašyŭ pakarać jašče i šerah vydańniaŭ, jakija raspaŭsiudzili dopis błohiera Ściapana Puciły. Toj napisaŭ u svaim telehram-kanale Niechta, što čynoŭnika, a paśla i jaho žonku złavili pjanymi za styrnom. Aficyjna infarmacyja tak i nie paćvierdziłasia.
Chomič vyrašyŭ źviarnucca ŭ sud. Jaho intaresy pradstaŭlaje advakat Maryja Kolesava-Hudzilina.
Čytajcie: Kiraŭnik Słonima padaŭ u sud na błohiera Niechtu — patrabuje 50 tysiač rubloŭ za paklop
Chomič choča pakarać błohiera Puciłu i vydańni, jakija pieradrukavali infarmacyju.
Pa infarmacyi «Našaj Nivy», pazovy padadzienyja suprać «Biełaruskaha partyzana», partałaŭ 21.by i bobruisk.ru («Viačerni Babrujsk»).
Adznačym, što adkaznaść budzie nieści fizičnaja ci jurydyčnaja asoba, na jakuju zarehistravany sajt. U vypadku z «Biełaruskim partyzanam» — niepasredna Śviatłana Kalinkina.
Chomič choča spahnać z usich pa 50 tysiač biełaruskich rubloŭ. Kali čynoŭnik vyjhraje sud, to atrymanyja hrošy abiacaje pieradać Słonimskaj balnicy.
Hałoŭnaja redaktarka «Biełaruskaha partyzana» Śviatłana Kalinkina paviedamiła «Našaj Nivie», što pakul abdumvaje stratehiju dalejšych dziejańniaŭ:
«Tak, Chomič padaŭ u sud na nas. Adkazać kankretna, što budziem rabić, pakul nie mahu. Kali treba, to pojdziem u sud».
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary