«Halijafy» prapanujuć: novy raman Hapiejevaj i zbornik apaviadańniaŭ Kaminskaj
Sioleta ŭ vydaviectvie «Halijafy» šmat roznych cikavych vydańniaŭ, siarod jakich vyłučajucca dźvie knihi prozy: raman Volhi Hapiejevaj «Kemeł-Treveł» i zbornik apaviadańniaŭ Zarasłavy Kaminskaj «Kaladny stoł. Niekulinarnaja kniha».
Navatarski raman Volhi Hapiejevaj «Kemeł-Treveł» apisvaje suśviet, dzie suisnavali niekalki rečaisnaściaŭ, himnaŭ, stalicaŭ, identyčnaściaŭ.
Na hetym fonie razhortvajucca žyćciovyja pryhody hałoŭnaj hieraini. Raman — historyja čałaviečaj krochkaści i davieru ŭ epochu žudy i deficytu nie tolki praduktaŭ, ale i pačućciaŭ.
Ź pieršych staronak aŭtarka korpajecca va ŭłasnaj identyčnaści i identyčnaści biełarusaŭ (moŭnaj, nacyjanalnaj, hiendarnaj, prafiesijnaj).
«Kaladny stoł. Niekulinarnaja kniha» — fajny padarunak na Kalady ci Novy hod: ilustravany zbornik apaviadańniaŭ z asabliva ŭtulnym nastrojem, jakoha zaraz nie chapaje. Aŭtarka — Zarasłava Kaminskaja, łaŭreatka premii «Debiut-2018».
Apaviadańni, sabranyja ŭ knizie, natchniajuć na ŭspaminy pra vašy asabistyja historyi. Što vy lubili jeści, kali byli maleńkimi? Chto dla vas hatavaŭ kaliści i dla kaho vy hatujecie zaraz? Što vy jeli apošnim razam, kali adčuvali siabie ščaślivym?
Kali vy nie možacie ŭzhadać nivodnaj historyi, pačnicie čytać, i ŭspaminy źjaviacca nad staronkami, nibyta para nad haračym rondalem.
Knihi vydaviectva «Halijafy» možna nabyć u internet-kniharni. Abo pa adrasie: Niamiha, 3, cokalny pavierch, boks 47.
Kamientary