«Dačka była mudraj zaŭsiody» — paśpiachovyja biełaruski raspaviali pra svaje siemji i źnialisia z dočkami FOTY
Hetyja žančyny nie prosta prafiesijanały, na jakich chočacca raŭniacca, ale jašče i kłapatlivyja mamy. Jak znachodzić čas dla siabie i siamji, kali praca patrabuje tvajho ŭdziełu 24/7? Razam z brendam «Danone Hrečaski» my zadali hierainiam hetyja pytańni.
Na važnuju temu z nami pahavaryli:
- Maryna Łobač, pieršaja savieckaja alimpijskaja čempijonka pa mastackaj himnastycy,
- Maryna Zołatava, hałoŭny redaktar partała Tut.by,
- Volha Žuk, zahadčyca piedahahičnaj kafiedry BDU,
- Alaksandra Butar, režysior i dyrektar kinakampanii «Terytoryja kino»,
- Volha Žadziejeva, žurnalist i hałoŭny redaktar partała pret-a-portal.by,
- Łarysa Piekurova, zasnavalnica Eva Clinic.
«Mnie nie chaciełasia, kab Ira była pobač sa mnoj jak z trenieram — bolš chaciełasia być mamaj»
Maryna Łobač i jaje starejšaja dačka Iryna.
Hetuju dziaŭčynu dobra pamiatajuć usie, chto sačyŭ za dasiahnieńniami savieckaha sportu. Maryna — pieršaja alimpijskaja čempijonka SSSR pa mastackaj himnastycy, ciapier pracuje trenieram. Paradoks, ale fizičnyja praktykavańni nie dastaŭlajuć Marynie asablivaj radaści: našmat bolš himnastcy padabajecca zajmacca ŭłasnym aharodam.
«Heta sapraŭdnaje zadavalnieńnie — sprabavać śviežyja sadavinu i harodninu prosta z hradki. I jašče bolšaje zadavalnieńnie — padavać ich da stała, viedajučy, što ŭsia siamja paabiedaje vydatna».
Starejšaja dačka Iryna pa śladach maci ŭ prafiesijny sport nie pajšła: jana prahramist, u volny čas zajmajecca tancami i fatahrafijaj. Maryna vielmi rada pośpiecham dački i na pytańnie, čamu nie addała jaje ŭ sport, adkazała prosta: «Mnie nie chaciełasia, kab Ira była pobač sa mnoj jak z trenieram — bolš chaciełasia być mamaj».
Siońnia Iryna i Maryna — nie prosta dačka i mama, a blizkija siabroŭki. Ira stała dla Maryny asabistym stylistam: pierad kožnaj važnaj padziejaj padbiraje dla jaje najbolš ŭdały vobraz i makijaž.
«Nadzia była mudraj z rańniaha dziacinstva»
Maryna Zołatava i dačka Nadzia.
Maryna — hałoŭny redaktar Tut.by z 2004 hoda. Svajoj pracy jana nadaje šmat času: adrazu paśla śniadanku pahružajecca ŭ infarmacyjnuju paviestku, praviaraje apošnija naviny, analizuje ŭsio, što zdaryłasia ŭčora. Zatym płaniorka z kalehami, novyja vykliki, raźmierkavańnie zadač na siońnia. Čaściej za ŭsio vychodzić z ofisa Maryna ŭ rajonie 19:00, ale i paśla hetaha jana zaŭsiody na suviazi z kalehami.
Uvieś volny čas, kožny svoj adpačynak Maryna pravodzić z mužam i dziećmi. Dačka Nadzia kaža, što pa vychadnych jany razam hladziać ich lubimaje šou — «Žyćcio inšych» Žanny Badojevaj — i chodziać u kino: u apošni raz vybrali film «1917», a da hetaha byli na «Džokiery».
Pry hetym Maryna kožnyja vychadnyja zajmajecca fitnesam, lubić katacca na rovary, hulać u vialiki tenis, badminton, a jašče spłaŭlajecca na bajdarkach — minułym letam pakarała Isłač i Sułu.
Hierainia vučyć svaju dačku vieryć u siabie i svaje siły, nikoli nie apuskać ruki i nie bajacca rabić toje, što padabajecca. Siońnia dziaŭčyna — vučanica fiłałahičnaha adździaleńnia Liceja BDU, cikavicca režysuraj i śfieraj kiniematahrafii.
«Naša Nadzieja — talenavitaja i mudraja dziaŭčyna. I mudraj jana była zaŭsiody — z samaha rańniaha dziacinstva. Jana nie naviešvaje jarłyki, umieje dumać krytyčna i ź luboj nahody maje ŭłasnaje mierkavańnie. A jašče Nadzia vielmi fanacieje ad Hohala, a jaje lubimaja aktrysa — Alisa Frejndlich. U dački nadzvyčajny dar: jana ŭmieje ŭładzić lubuju sprečku. Jak i luby padletak, jana moža paburčać abo vyjści ź siabie, ale nie zdolnaja doŭha kryŭdzicca i zaŭsiody pieršaj biažyć abdymacca. Tak, Nadzia dziŭnaja».
«Daša vučyć mianie adpačyvać. Chacia b pa niadzielach»
Volha Žuk i jaje dačka Darja.
Volha — doktar piedahahičnych navuk, prafiesar BDU i BDPU, aŭtar bolš za 200 navukovych prac. Sa słoŭ Dašy, jaje mama — pracaholik i pierfiekcyjanistka: jana lubić svaju pracu i, niahledziačy na bolš čym 35-hadovy staž, da hetaha času rychtujecca da kožnaj lekcyi. Na heta studenty adkazvajuć joj 100% naviedvalnaściu kožnych zaniatkaŭ.
Niadaŭna Volha adznačyła jubilej, jaki nazvała «Śviata 6.0», i ciapier vypracoŭvaje novuju karysnuju zvyčku nie pracavać pa vychodnych: «Daša vučyć mianie adpačyvać… chacia b pa niadzielach».
Adpačyvać Volha lubić aktyŭna. Choć by raz na dva dni starajecca vybiracca na špacyr pa parku Čaluskincaŭ razam z mužam — kaža, što heta jaje lubimaje miesca dla «pramienadu» na 5—7 kiłamietraŭ.
Svaich blizkich Volha starajecca zaradžać svajoj advahaj i ŭpeŭnienaściu ŭ sabie, vučyć nikoli nie apuskać ruki. Jaje dačka Darja — kirujučy partnior mižnarodnaj jurydyčnaj firmy COBALT u Biełarusi, adzin ź viadučych biznes-jurystaŭ u krainie — usio dziacinstva praviała z mamaj i mnohaje ŭ jaje pieraniała: pačućcio stylu, metanakiravanaść, umieńnie nie ŭsprymać kožny svoj promach i mierkavańnie navakolnych na hety kont blizka da serca.
«Vysypajciesia, paŭnavartasna siłkujciesia, trymajcie ŭ paradku kvateru i dumki»
Alaksandra Butar i jaje starejšaja dačka Liza.
Alaksandra — scenaryst, režysior-pastanoŭščyk, člen Biełaruskaha sajuza kiniematahrafistaŭ, pradziusar, dyrektar kinakampanii «Terytoryja kino». Znachodziačysia ŭ pastajannym tvorčym pracesie, hierainia znachodzić čas i dla zaniatkaŭ akvaaerobikaj, i dla rodnych, i navat dla kata i troch sabak, jakich usprymaje jak členaŭ siamji.
Alaksandra šmat času nadaje svajoj pracy, i jaje dačka Liza taksama zachapiłasia śfieraj kiniematohrafa. Jana ŭžo byvała na zdymačnaj placoŭcy ŭ mamy — hrymavała akcioraŭ, — a ŭ budučyni choča pastupić u HITIS i stać aktrysaj.
Dzie brać enierhiju na ŭsio? Voś minimalistyčny ček-list Alaksandry, punkty jakoha časta składanyja, ale zaŭsiody pažadanyja dla vykanańnia:
- vysypacca,
- paŭnavartasna charčavacca,t
- trymać u paradku kvateru i dumki.
«Padziaka maich dziaciej — kałasalny prytok enierhii»
Volha Žadziejeva i starejšaja dačka Aryna.
Dva hady tamu žurnalist i hałoŭny redaktar partału pra biełaruskuju modu pret-a-portal.by Volha Žadziejeva stała mamaj u piaty raz i była ŭznaharodžana ordenam Maci. Na pytańnie, što joj dało maciarynstva, jana adkazvaje prosta: «Ja naradziłasia jak asoba, kali stała mamaj!»
Dzieci navučyli mamu canić svoj čas i pravilna im rasparadžacca. Hetaj ža dakładnaści i samastojnaści Volha ŭ adkaz vučyć svaju siamju: naprykład, starejšaja dačka Aryna 6 hadoŭ zajmałasia fihurnym katańniem, dziudo, hulaje ŭ šachmaty, vučyć italjanskuju i anhlijskuju, a ŭ minułym hodzie pastupiła ŭ Licej BDU na profil z samym vysokim prachadnym bałam. Hierainia pryznałasia, što dačka ŭsiaho damahłasia sama, i dasiahnieńniami Aryny jana vielmi hanarycca.
Na pytańnie, jak znajści bałans pamiž pracaj i domam, adkazvaje nastupnaje: «Padziaka maich dziaciej, kožny realizavany prajekt — usio heta kałasalny prytok enierhii, jaki matyvuje nie spyniacca, zaradžaje siłami i novym natchnieńniem».
«My nie možam upłyvać na toje, što adbyvajecca, ale možam upłyvać na svajo staŭleńnie da hetaha»
Łarysa Piekurova i dočki Jeva i Aryna.
Łarysa — zasnavalnica Eva Clinic, jakuju jany z mužam nazvali ŭ honar starejšaj dački. U jaje šaściora dziaciej, i ich jana nazyvaje vialikaj kamandaj adnadumcaŭ, svajoj enierhijaj i aporaj.
Svaich dačok Łarysa vučyć mienš bajacca nieviadomaści i być svabodnymi mientalna: «My nie možam upłyvać na toje, što adbyvajecca, ale možam upłyvać na svajo staŭleńnie da hetaha». Dziakujučy takim śmiełym pierakanańniam Jeva, starejšaja z dačok, nie pabajałasia pajści pa śladach maci i stać pradprymalnikam. Dva hady tamu jana adkryła ŭłasnaje kafe «Vieršy, kava, pacałunki». Amatary prahulacca pa praśpiekcie Niezaležnaści, napeŭna, ź im znajomyja.
U siamji Piekurovych prytrymlivajucca zdarovych pryncypaŭ charčavańnia: hatujuć na pary, jaduć šmat sadaviny, zielaniny, małočnych praduktaŭ i arechaŭ. Ale Łarysa nie adnosić svaju siamju da viehietaryjancaŭ: tak, doma miasnych praduktaŭ nie byvaje, ale całkam jany ich z racyjonu nie prybrali. Jak skazała šmatdzietnaja maci: «Kali treba budzie vyžyvać, naprykład na niezasielenaj vyśpie, ad miasa my nie admovimsia!»
Paniaćcie paśpiachovaści daŭno nie vymiarajecca tolki karjernymi dasiahnieńniami. Pa-sapraŭdnamu pačynaješ padabacca ludziam — a hałoŭnaje sabie, — kali łoviš toj samy žadany bałans pamiž usimi śfierami žyćcia. Znachodzić čas dla siabie i siamji, pravilna rasstaŭlajučy pryjarytety, — nie tolki realna, ale i nieabchodna.
Vy taksama možacie raspavieści pra svaje adnosiny z mamaj ci z dačkoj, ahulnyja zvyčki i padobnyja rysy charaktaru i stać zorkaj kulinarnaha šou na TB. Adkažycie na ŭsie pytańni ankiety i vykładziecie ŭ Instagram fota «mama+dačka» — i žury abiare 50 samych harmaničnych par, jakim dastaviać tydniovy zapas johurtu Danone Hrečaski, kab vy mahli hatavać doma karysnyja śniadanki, abiedy, viačery i dzialicca svaimi receptami na asnovie johurtu ŭ sacyjalnych sietkach (Instagram, Ukantakcie, Facebook, Adnakłaśniki) pa cheštehu #danon_hriečieskij.
Try pary «mama + dačka», recepty i fota jakich bolš za ŭsio spadabajucca žury, adpraviacca na zdymki telešou «Uklučajsia», a taksama atrymajuć miesiačny zapas johurtu. Padrabiaznaści konkursu čytajcie na dochki-materi.by.
Pra terminy i miescy praviadzieńnia konkursu, a taksama padrabiaznyja praviły dla ŭdzielnikaŭ čytajcie tut.
Kamientary