a ŭsio astatniaje — ekstremizm. Redakcyja časopisu «Arche» atrymała matyvacyjnuju častku rašeńnia Maskoŭskaha rajonnaha sudu Bresta ab pryznańni adnaho z numaroŭ časopisu ekstremisckim.
a ŭsio astatniaje — ekstremizm. Redakcyja časopisu «Arche» atrymała matyvacyjnuju častku rašeńnia Maskoŭskaha rajonnaha sudu Bresta ab pryznańni adnaho z numaroŭ časopisu ekstremisckim.
Pavodle rašeńnia sudu Maskoŭskaha rajonu horadu Bresta fraza «Sajuźniki — nacyst i čekist — schililisia nad mapaj» z artykułu Andreja Rasinskaha (№7—8 «Arche» za minuły hod) nie ŭtrymlivaje infarmacyi «z prykmietami ekstremisckaj skiravanaści». Try inšyja artykuły z taho ž numaru, pavodle sudu takuju infarmacyju ŭsio ž niasuć. A mienavita:
— artykuł «Parlamenckija vybary: biełaruskaja nuda, eŭrapiejskaja intryha?» Vitala Silickaha, dzie havorycca, što «Praktyčnaja adsutnaść intryhi i surjoznych čakańniaŭ u adnosinach da biaśsilnych pradstaŭničych orhanaŭ i pasiŭny padychod apazicyi da vybarčych kampanijaŭ nie pakidaje hramadstvu inšaha vybaru, akramia jak pryniać zahadzia padrychtavanuju prapanovu ŭładaŭ. U pryvatnaści, praktyčna adsutničaje supraciŭ kampanijam daterminovaha hałasavańnia…»;
— materyjał «Vybuch i šmon: biełaruski mini‑Aśviencim. Kruhły stoł u redakcyi «ARCHE», dzie pra ŭładu havorycca, što «… za jaje fasadam chavajecca maralnaje razłažeńnie (jakoje ź niadaŭniaj pary navat adkryta afišujecca) i maralnaja karupcyja, jakaja idzie naha ŭ nahu za zvyčajnaj»;
— artykuł «Mienskija maneŭry. Łukašenka vykarystoŭvaje vybary, kab zdabyć ryčahi ŭ pieramovach z EZ» jeŭrapiejskich analitykaŭ B.Jarabika i A.Rabaljaci, u jakim kanstatujecca, što «… ułady vykarystoŭvajuć vybuch dla ažyćciaŭleńnia svajoj zvyčajnaj taktyki ŭcisku apazicyi, zapałochvajučy patencyjnych praciŭnikaŭ i pieraškadžajučy luboj apazicyjnaj dziejnaści».
Nahadajem, što letaś, u kastryčnika supracoŭniki bresckaj rehijanalnaj mytni paličyli, što źviestki, jakija utrymlivajucca ŭ numary časopisu «Arche», «mohuć nanieści škodu nacyjanalnym intaresam Respubliki Biełaruś». KDB dasłaŭ chadajnictva ŭ Maskoŭski sud horadu Brestu ab pryznańni numaru ekstremisckim i ab nastupnym źniščeńni nakładu. Pavodle chadajnictva, infarmacyja «z prykmietami ekstremisckaj skiravanaści» utrymlivajucca ŭ čatyroch publikacyjach №7—8 «Arche».
Advakat Pavał Sapiełka, jaki pradstaŭlaŭ redakcyju časopisu ŭ pracesie, ličyć rašeńnie niepravasudnym i zajaviŭ, što jano budzie abskardžanaje ŭ abłasnym sudzie. Kali abłasny sud zachavaje rašeńnie rajonnaha ŭ sile, to 10 skanfiskavanych asobnikaŭ buduć źniščanyja.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni32
Kamientary