Pamiatajecie dziŭny adkaz z Administracyi prezidenta? Atrymalnica pierakonvaje, što nasamreč dasyłała kamplimienty Łukašenku
Tydzień tamu «Naša Niva» apublikavała dziŭny list, jaki pryjšoŭ minčancy Natalli Muchamad z Administracyi prezidenta ŭ adkaz na zvarot. Hety dakumient byŭ apublikavany ŭ zakrytym jurydyčnym čacie. Jaho ŭdzielniki dasłali toj adkaz u Redakcyju.
Čytajcie: Hramadzianie napisali skarhu ŭ Administracyju prezidenta — i atrymali vielmi dziŭny adkaz FOTAFAKT
Siabroŭka Natalli, jakaja i apublikavała adkaz, raskazała karespandentu «Našaj Nivy», što bačyła dakumient na ŭłasnyja vočy. I patłumačyła, što siamja Natalli dasyłała skarhu na niespraviadlivy prysud. Ale pakolki ŭsio jašče spadziajecca na stanoŭčaje vyrašeńnie svajho pytańnia, nie choča publična kamientavać situacyju.
Da taho ž muž Natalli nie maje biełaruskaha hramadzianstva, znachodzicca z dazvołam na žycharstva i baicca jaho stracić.
Tamu Natalla Muchamad kamunikavała z karespandentam «Našaj Nivy» tolki praź siabroŭku. U vyniku Redakcyja apublikavała toj samy adkaz z Administracyi prezidenta, zamazaŭšy piersanalnyja źviestki zajaŭnicy.
Praz tydzień adbyłosia niešta dziŭnaje: Natalla Muchamad sama vyjšła na suviaź z Redakcyjaj. Jana paprasiła nikudy «nie ŭbłytvać» jaje i zapeŭniła, što nasamreč pisała nie skarhu, a padziaku.
«Dobry viečar. Pavažany Alaksandr Ryhoravič, chaču vykazać vam vializnuju ŭdziačnaść za ŭsio, što vy zrabili dla naroda! Chaču pažadać vam ciarpieńnia i siłaŭ! Alaksandr Ryhoravič, usia naša siamja i vielmi vialikaja kolkaść ludziej za vas! Chaču, kab vy viedali, my chočam, kab prezidentam byli vy!» — napisana na papiery, jakuju Natalla dasłała ŭ Redakcyju.
Jana paprasiła apublikavać i tekst zvarotu, i jaje źviestki. A taksama patłumačyła, čamu vyrašyła napisać taki źmiastoŭny list u Administracyju prezidenta.
«[Łukašenka] daŭ kvateru, jość biaspłatnaja adukacyja i miedycyna. Ja nie mahu vykazać svajo mierkavańnie? Ja žyvu ŭ krainie biez vajny! I za heta ŭdziačna!» — skazała Natalla.
Ciapier čytajuć
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola10
Kamientary