Žycharoŭ Kurskaj i Biełharadskaj abłaściej Rasii, dzie byli bai, nakiroŭvajuć u biełaruskija sanatoryi
Žychary rasijskaha horada Šabiekina Biełharadskaj vobłaści i inšych pamiežnych z Ukrainaj rajonaŭ užo zasialilisia ŭ sanatoryi Biełarusi, zaŭvažyła «Svaboda».
Rasijskaja ŭpaŭnavažanaja ŭ pravach čałavieka Taćciana Maskalkova paviedamiła, što ŭ Biełaruś na lačeńnie nakiroŭvajuć rasiejskich hramadzian, jakija paciarpieli padčas bajoŭ u Kurskaj i Biełharadskaj abłaściach u rasijskaj vajnie suprać Ukrainy.
«Pry spryjańni biełaruskaha boku ź Biełharada i Kurska ŭ Biełaruś adpraviłasia pieršaja hrupa, 410 čałaviek. Jaje pravodzili supracoŭniki majho aparatu i rehijanalnyja ŭpaŭnavažanyja Žanna Kirejeva i Uładzimir Firsaŭ. Pierad Novym hodam sanatorna-kurortnaje lačeńnie projduć 770 čałaviek — u sanatoryjach «Buh», «Lotcy», «Prydniaproŭski», «Čonki» i sanatoryi imia Lenina», — paviedamlajecca ŭ telehram-kanale Maskalkovaj.
Maskalkova paviedamiła, što arhanizavali adpačynak tak zvanaja sajuznaja dziaržava Biełarusi i Rasii, hubiernatary Kurskaj i Biełharadskaj abłaściej i biełaruski bok.
Sanatoryj «Buh» mieścicca ŭ Žabinkaŭskim rajonie Bieraściejskaj vobłaści, «Lotcy» — u Viciebskim rajonie, «Prydniaproŭski» — u Rahačoŭskim, «Čonki» — u Homielskim rajonie, imia Lenina — u Babrujsku. Nivodzin z hetych sanatoryjaŭ nie paviedamiŭ ab prybyćci hrupy z Rasii.
Maskalkova, jakaja naradziłasia ŭ Viciebsku, z 2023 hoda znachodzicca pad sankcyjami ZŠA, uviedzienymi za poŭnamaštabnuju vajnu Rasii suprać Ukrainy.
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń52
Kamientary