Dyrektar Instytuta historyi: Pad bieł-čyrvona-biełym ściaham apryjory ruchajucca da źniešniaha pratektaratu
Pa BT pakazali prapahandyscki siužet pra toje, što bieł-čyrvona-bieły ściah nibyta vykarystoŭvaŭsia ŭ hady vajny akupantami.
«Biełaruś da pieramien šturchajuć pad ściaham, jaki ŭ hady vajny nieśli pa vulicach razam ź simvolikaj fašyzmu. Dla tych, chto zabyŭ historyju — dumka ekśpierta», — anansavała viadučaja.
Ekśpiertam vystupiŭ sam dyrektar Instytuta historyi Nacyjanalnaj Akademii navuk Viačasłaŭ Daniłovič.
Jon adznačyŭ, što ściah vykarystoŭvaŭsia biełaruskimi kałabarantami ŭ hady Vialikaj Ajčynnaj vajny, jakija «supracoŭničali z akupacyjnymi nacysckimi ŭładami, raźličvajučy, što, moža, udasca stvaryć niejkuju dziaržavu».
«U hady Vialikaj Ajčynnaj vajny hety ściah byŭ procistajańniem z Savieckim Sajuzam, savieckimi partyzanami, jakija viali baraćbu z akupantami i dziakujučy podźvihu jakich my siońnia isnujom i žyviom u niezaležnaj Biełarusi. Kali b nie było toj pieramohi, nie było b ni BSSR, ni Respubliki Biełaruś», — pierakanany Daniłovič.
«Varta zadumacca, da čaho viadziom z hetym ściaham, — zaklikaje dyrektar Instytuta historyi. — Pa sutnaści, kali my staniem na pazicyi biełaruskich nacyjanalnych kałabaracyjanistaŭ, to … jany chacieli stvaryć niejkuju biełaruskuju dziaržavu, ale stvaryć pad niamieckim pratektaratam. Razmova navat nie išła, kab stvaryć niezaležnuju dziaržavu.
Heta značyć, apryjory havorycca pra toje, što treba ruchacca pad hetym ściaham da niejkaha pratektaratu sa źniešniaha boku».
Treba skazać, što siužet pierabivaŭsia siońniašnimi kadrami ź bieł-čyrvona-biełymi ściahami, zdymkami ŭ časy akupacyi, a taksama kadrami sa ščaślivymi ludźmi z čyrvona-zialonymi ściahami.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim9
Kamientary