Nočču ŭ Minsku nieviadomyja raźbili aŭtamabil «Mis Biełaruś» i deputata Maryi Vasilevič. Pra heta Tut.by paviedamili čytačy.
Incydent adbyŭsia ŭ dvary doma № 5 pa vulicy Uručskaj. Čytačy raspaviadajuć, što kala 03.30 pračnulisia praz mocny hrukat na vulicy. Vyśvietliłasia, što niechta vybiŭ škło ŭ biełym Geely Atlas, jaki naležyć Maryi Vasilevič. Taksama vidavočcy paviedamlajuć pra try skraznyja dzirki ŭ levych dźviarach.
Na miescy zdareńnia pracavała śledča-apieratyŭnaja hrupa.
Raniej Maryja Vasilevič vykazvałasia z nahody pratestaŭ u Biełarusi.
Svoj zvarot jana raźmiaściła ŭ Instagram, dzie paprasiła spynić hvałt i ahresiju, spynić žorstkaść u adnosinach da tych, chto nie moža siabie abaranić.
Taksama jana naviedvała ŭ balnicy źbitych padčas akcyj pratestaŭ i vybačyłasia pierad ludźmi.
Nahadajem, napiaredadni ŭ «Novaj Baravoj» vandały sapsavali aŭtamabil viadomaha viadučaha Jaŭhiena Pierlina, jaki niadaŭna zvolniŭsia ź dziaržtelebačańnia. Na kapocie namalavali bieł-čyrvona-bieły ściah, prabili koła.
«Vybačałasia pierad ludźmi»: deputatka Maryja Vasilevič naviedała źbitych padčas akcyj pratestu
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary