Dziaržsakratar ZŠA zapatrabavaŭ ad uładaŭ Biełarusi vyzvalić palittechnołaha Šklarava
Dziaržsakratar ZŠA Majkł Pampiea zapatrabavaŭ nieadkładna spynić hvałt u dačynieńni da pratestoŭcaŭ i vyzvalić usich zatrymanych, uklučajučy hramadzianina Złučanych Štataŭ Amieryki Vitala Šklarava. Pra heta havorycca na sajcie Dziarždepa, piša Tut.by.
Pampiea zajaviŭ, što ZŠA ŭvažliva sočać za situacyjaj u Biełarusi.
— Biełarusy zasłuhoŭvajuć prava vybirać svaich lidaraŭ šlacham sapraŭdy svabodnych i spraviadlivych vybaraŭ, — adznačyŭ dziaržsakratar ZŠA.
Jon taksama zapatrabavaŭ nieadkładnaha spynieńnia hvałtu ŭ dačynieńni da ich i vyzvaleńnia ŭsich niespraviadliva zatrymanych, u tym liku hramadzianina ZŠA Vitala Šklarava.
Dziaržsakratar taksama raspavioŭ, što ZŠA ciesna kaardynujuć svaje dziejańni ź jeŭrapiejskimi partniorami i razam razhladajuć surjoznyja adrasnyja sankcyi ŭ dačynieńni da ŭsich, chto maje dačynieńnie da parušeńniaŭ pravoŭ čałavieka i represij u Biełarusi.
Vitala Šklarava, nahadajem, zatrymali 29 lipienia ŭ Homieli. Jamu pradjaŭlenaje abvinavačvańnie pa častcy 1 artykuła 342 — u arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich.
DziaržSMI ŭviečary 29 lipienia pakazali «rasśledavańnie» pra toje, što Šklaraŭ byŭ kansultantam prajekta Cichanoŭskaha «Kraina dla žyćcia» i faktyčna mabilizavaŭ pratesny elektarat vakoł błohiera. Sam Šklaraŭ nieadnarazova zajaŭlaŭ, što nie maje nijakaha dačynieńnia da štabu Cichanoŭskaj i nie znajomy ź Siarhiejem Cichanoŭskim.
Žonka Šklarava — hramadzianka ZŠA, jana pracuje ŭ pasolstvie ŭ Kijevie. U Šklarava ŭ suviazi z hetym jość amierykanski dypłamatyčny pašpart.
-
Statkievič zaklikaŭ biełarusaŭ nie malicca na movie RPC i pisać na pomnikach pa-biełarusku
-
«Pajšoŭ z žyćcia» były lohkaatlet Alaksiej Lelin. Jamu było 48 hadoŭ
-
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy45
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary