Дзяржсакратар ЗША запатрабаваў ад уладаў Беларусі вызваліць паліттэхнолага Шклярава
Дзяржсакратар ЗША Майкл Пампеа запатрабаваў неадкладна спыніць гвалт у дачыненні да пратэстоўцаў і вызваліць усіх затрыманых, уключаючы грамадзяніна Злучаных Штатаў Амерыкі Віталя Шклярава. Пра гэта гаворыцца на сайце Дзярждэпа, піша Tut.by.
Пампеа заявіў, што ЗША ўважліва сочаць за сітуацыяй у Беларусі.
— Беларусы заслугоўваюць права выбіраць сваіх лідараў шляхам сапраўды свабодных і справядлівых выбараў, — адзначыў дзяржсакратар ЗША.
Ён таксама запатрабаваў неадкладнага спынення гвалту ў дачыненні да іх і вызвалення ўсіх несправядліва затрыманых, у тым ліку грамадзяніна ЗША Віталя Шклярава.
Дзяржсакратар таксама распавёў, што ЗША цесна каардынуюць свае дзеянні з еўрапейскімі партнёрамі і разам разглядаюць сур'ёзныя адрасныя санкцыі ў дачыненні да ўсіх, хто мае дачыненне да парушэнняў правоў чалавека і рэпрэсій у Беларусі.
Віталя Шклярава, нагадаем, затрымалі 29 ліпеня ў Гомелі. Яму прад'яўленае абвінавачванне па частцы 1 артыкула 342 — у арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх.
ДзяржСМІ ўвечары 29 ліпеня паказалі «расследаванне» пра тое, што Шкляраў быў кансультантам праекта Ціханоўскага «Краіна для жыцця» і фактычна мабілізаваў пратэсны электарат вакол блогера. Сам Шкляраў неаднаразова заяўляў, што не мае ніякага дачынення да штабу Ціханоўскай і не знаёмы з Сяргеем Ціханоўскім.
Жонка Шклярава — грамадзянка ЗША, яна працуе ў пасольстве ў Кіеве. У Шклярава ў сувязі з гэтым ёсць амерыканскі дыпламатычны пашпарт.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары