Advakat Maksim Znak, jaki abviaściŭ haładoŭku ŭ SIZA № 1, pastupova adnaŭlaje pryjom ježy, raspavioŭ Tut.by abaronca Dźmitryj Łajeŭski.
Siońnia pieršy raz paśla vychodnych abaroncy naviedali Maksima Znaka ŭ SIZA. Pa ich słovach, jašče da vychodnych jon adčuŭ vializnuju chvalu padtrymki — pačynajučy z taho, jak padtrymali kalehi-advakaty, padaŭšy dziasiatki chadajnictvaŭ ab asabistaj parucy i pryjšoŭšy ŭ sudy abiedźviuch instancyj, i zakančvajučy vialikaj kolkaściu kamientaroŭ, zvarotaŭ i listoŭ ludziej, u tym liku raniej asabista nie znajomych sa Znakam.
— Takaja kolkaść dobrych słoŭ uražvaje. Jaho mužny ŭčynak zaŭvažyli, heta zrobić uniosak u zaćviardžeńnie značnaści prava ŭ hramadstvie. U vychodnyja Maksim pačaŭ padrychtoŭku da vychadu z haładoŭki. Siońnia ŭ SIZA pryniataja miedycynskaja pieradača sa srodkami padtrymki. Ciapier Maksim pastupova adnaŭlaje pryjom ježy. Padrabiaznaści jon raskaža sam, kali budzie vyzvaleny. My spadziajomsia, što heta adbudziecca chutka. Jon vykazvaje ŭsim vielizarnuju padziaku i paćviardžaje rašučaść, žadańnie i hatoŭnaść dalej pracavać i zmahacca, — raspavioŭ Dźmitryj Łajeŭski.
Nahadajem, Maksim Znak byŭ zatrymany 9 vieraśnia i znachodzicca ŭ SIZA № 1 Minska. 18 vieraśnia jamu vystavili abvinavačvańnie pa č. 3 art. 361 (Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś) Kryminalnaha kodeksa. U znak niazhody z abvinavačvańniami advakat abviaściŭ haładoŭku.
Za tydzień haładoŭki Znak schudnieŭ na 6 kiłahramaŭ, u asobnych analizach u jaho było vyjaŭlena razychodžańnie z normaj.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary