Адвакат Максім Знак, які абвясціў галадоўку ў СІЗА № 1, паступова аднаўляе прыём ежы, распавёў Tut.by абаронца Дзмітрый Лаеўскі.
Сёння першы раз пасля выходных абаронцы наведалі Максіма Знака ў СІЗА. Па іх словах, яшчэ да выходных ён адчуў вялізную хвалю падтрымкі — пачынаючы з таго, як падтрымалі калегі-адвакаты, падаўшы дзясяткі хадайніцтваў аб асабістай паруцы і прыйшоўшы ў суды абедзвюх інстанцый, і заканчваючы вялікай колькасцю каментароў, зваротаў і лістоў людзей, у тым ліку раней асабіста не знаёмых са Знакам.
— Такая колькасць добрых слоў уражвае. Яго мужны ўчынак заўважылі, гэта зробіць унёсак у зацвярджэнне значнасці права ў грамадстве. У выходныя Максім пачаў падрыхтоўку да выхаду з галадоўкі. Сёння ў СІЗА прынятая медыцынская перадача са сродкамі падтрымкі. Цяпер Максім паступова аднаўляе прыём ежы. Падрабязнасці ён раскажа сам, калі будзе вызвалены. Мы спадзяёмся, што гэта адбудзецца хутка. Ён выказвае ўсім велізарную падзяку і пацвярджае рашучасць, жаданне і гатоўнасць далей працаваць і змагацца, — распавёў Дзмітрый Лаеўскі.
Нагадаем, Максім Знак быў затрыманы 9 верасня і знаходзіцца ў СІЗА № 1 Мінска. 18 верасня яму выставілі абвінавачванне па ч. 3 арт. 361 (Заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь) Крымінальнага кодэкса. У знак нязгоды з абвінавачваннямі адвакат абвясціў галадоўку.
За тыдзень галадоўкі Знак схуднеў на 6 кілаграмаў, у асобных аналізах у яго было выяўлена разыходжанне з нормай.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары