Da Palčysa nie puścili advakata praz «epidemijałahičnuju situacyju»
Palčys u sudzie ŭ 2016 hodzie. Fota Siarhieja Hudzilina
Da błohiera Eduarda Palčysa, što z 27 vieraśnia znachodzicca na Akreścina, nie puścili advakata. Pra heta paviedamiła jaho žonka Viktoryja ŭ svaim fejsbuku.
Maryja Kolesava-Hudzilina pryjechała ŭ Centr izalacyi pravaparušalnikaŭ, pryčym vizit byŭ uzhodnieny z namieśnikam načalnika ŭstanovy, jaki skazaŭ pa telefonie, što možna pryjazdžać 22 kastryčnika da 14.00. Adnak pa pryjeździe advakatu admovili, spasyłajučysia na niezdavalniajučuju «epidemijałahičnuju situacyju».
«Uličvajučy, što na listavańnie pastavili błok, — my nie atrymali nivodnaha lista ad Eduarda, i sam jon kazaŭ, što nie atrymlivaje listoŭ, — naviedvańnie advakata zastavałasia adzinym sposabam suviazi ź im. Błakavańnie pošty i niadopusk advakata ja rasceńvaju jak cisk na majho muža i na ŭsiu našu siamju», — adznačyła Viktoryja.
Eduard Palčys byŭ zatrymany 27 vieraśnia i adbyvaje 30 sutak aryštu.
Kamientary