Jašče adna vakcyna ad karanavirusa pakazała adnosna vysokuju efiektyŭnaść. Ale jaje praściej zachoŭvać
Kampanija AstraZeneca abviaściła, što efiektyŭnaść vakcyny ad karanavirusnaj infiekcyi, jakuju jana raspracoŭvaje razam z Oksfardskim univiersitetam, składaje 70%.
U chodzie testaŭ praviaralisia dva varyjanty ŭviadzieńnia vakcyny, jakija prademanstravali roznuju efiektyŭnaść, havorycca ŭ paviedamleńni.
U pieršym vypadku amal try tysiačy čałaviek spačatku atrymali vakcynu ŭ pałavinnaj dozie, a praź miesiac u poŭnaj. Taki sposab vakcynacyi pakazaŭ efiektyŭnaść 90%. Varyjant z paŭtornym uviadzieńniem poŭnaj dozy z roźnicaj u miesiac u amal 9 tysiač dobraachvotnikaŭ pakazaŭ efiektyŭnaść ŭ 62%. Takim čynam, z ulikam abodvuch testaŭ siaredniaja efiektyŭnaść vakcyny, raspracavanaj AstraZeneca, składaje 70%.
Adnak u pres-relizie padkreślivajecca, što vakcyna AstraZeneca moža zachoŭvacca pry tempieratury ad 2 da 8 hradusaŭ, a praviadzieńnie vakcynacyi nie patrabuje niejkich asablivych umoŭ.
AstraZeneca hatova vyrabić da 3 miljardaŭ doz vakcyny ŭ 2021 hodzie, kali jaje raspracoŭka budzie dazvolena da ŭžyvańnia. Kaštavać adna doza budzie try funty (4 dalary)
Raniej było zajaŭlena pra efiektyŭnaść u 95%, raspracavanaj niamieckaj firmaj BioNTech (aŭtar — Uhur Šachin) cumiesna z Pfizer. Jana budzie kaštavać kala 18 dalaraŭ (47 rubloŭ), ale transparciravać jaje treba pry vielmi nizkaj tempieratury (da 70 hradusaŭ), a taksama vakcyny amierykanskaj firmy Moderna, jaje efiektyŭnaść aceniena ŭ 94% (jaje cana da 37 dalaraŭ). Taksama raspracoŭščyki rasijskaj vakcyny «Sputnik» acanili jaje efiektyŭnaść u 94%
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač26
Kamientary