Supracoŭniki KDB zatrymali aktyvistku Volhu Majoravu. Syn: «Mierkavana pa spravie Aŭtuchoviča»
Uviečary 4 studzienia ŭ vioscy Nača Krupskaha rajonu supracoŭniki Kamitetu dziaržaŭnaj biaśpieki zatrymali aktyvistku Volhu Majoravu. Pra heta Svabodzie paviedamiŭ jaje syn Siarhiej Zijamaŭ.
Siarhiej miarkuje, što zatrymańnie niejak źviazanaje sa spravaj Mikałaja Aŭtuchoviča, jakoha vinavaciać u teraryźmie.
«Kali ja padjechaŭ da našaha domu, jaje ŭžo zatrymali. Mužčyny, jakija pryjechali, nazvalisia supracoŭnikami KDB, ale dakładna nie skazali, u čym padazrajuć maci. Ale ŭ razmovie, jakuju ja čuŭ, hučała imia Mikałaja Aŭtuchoviča. Maci nijak nie prakamentavała zatrymańnie. Potym byŭ vobšuk, zabrali dva noŭtbuki i dva smartfony», — raskazaŭ Siarhiej Zijamaŭ.
Pavodle jaho, uviečary jamu pazvaniŭ supracoŭnik KDB i paćvierdziŭ, što Volhu Majoravu advieźli pa adrasie praspekt Niezaležnaści, 17, i zatrymali na čas pravierki.
«Ja spytaŭ, u čym jaje padazrajuć i pavodle jakoj spravy, ale jon syšoŭ ad adkazu», — skazaŭ Siarhiej Zijamaŭ.
Volha Majorava — byłaja siabra Abjadnanaj hramadzianskaj partyi, pravaabaronca i hramadzkaja aktyvistka. Syn Volhi Majoravaj zhadaŭ, što jana była znajomaja ź Mikałajem Aŭtuchovičam. U jaje datyčnaść da teraryzmu jon rašuča nia vieryć. «Ni ŭ jakim razie, jana nie taki čałaviek. Tym bolš my žyviem u adnym domie, ja ničoha takoha nikoli nia bačyŭ», — skazaŭ Siarhiej Zijamaŭ.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva6
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3030
Kamientary