Rasijskaha apazicyjaniera Alaksieja Navalnaha zatrymali prosta ŭ aeraporcie paśla viartańnia ŭ Rasiju.
Fiederalnaja słužba vykanańnia pakarańniaŭ paćvierdziła zatrymańnie Navalnaha. Viedamstva nahadała, što palityk znachodziŭsia ŭ vyšuku «za šmatrazovyja parušeńni vyprabavalnaha terminu». Navalny budzie znachodzicca pad vartaj da rašeńnia suda ab jaho dalejšaj miery strymańnia.
Navalny viartaŭsia na samalocie ź Niamieččyny, dzie prachodziŭ kurs lačeńnia paśla taho, jak rasijskija śpiecsłužby sprabavali jaho atrucić «Navičkom».
Alaksiej Navalny anansavaŭ viartańnie ŭ Maskvu ź Bierlina na 17 studzienia, niahledziačy na toje, što ŭ Rasii jamu pahražaje turma. Fiederalnaja słužba vykanańnia pakarańniaŭ zaklikała pieravieści ŭmoŭny termin u realny pa spravie «Iŭ Raše».
Paśla taho, jak Navalny zajaviŭ pra viartańnie, stała viadoma, što jon abvieščany ŭ fiederalny vyšuk, h.zn. pa prylocie jon moža być adrazu zatrymany. Niahledziačy na heta, palityk nie pamianiaŭ svajho namieru.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8
Kamientary