Ałoe, centeła azijackaja i prabijotyki. Jak ratavać skuru ad nastupstvaŭ stresu
Spytali ŭ ekśpierta parady pa charčavańni i padbory kaśmietyki, jakija dapamohuć skury ŭ stresie.
Jak stres upłyvaje na skuru?
Psichałahičnaje napružańnie viadzie da pavyšanaj vypracoŭki harmonaŭ stresu — adrenalinu i kartyzołu.
«Kartyzoł pavyšaje ŭzrovień cukru ŭ kryvi, a heta źmianiaje ŭłaścivaści kałahienu. Skura stanovicca bolš suchoj. Taksama jon źnižaje naturalnuju pradukcyju hijałuronavaj kisłaty, tarmozić dzialeńnie i rost fibrabłastaŭ — kletak, što niepasredna stymulujuć sintez kałahienu i ełaścinu. Heta vyklikaje jašče bolšuju suchaść skury, stančeńnie i parušeńnie pracesaŭ samaadnaŭleńnia, — tłumačyć kaśmietyk-estetyst Natalla Mucha. —
Pad uździejańniem adrenalinu adbyvajecca spazm kapilaraŭ, źmianšajecca prytok kryvi, a značyć, źmianšajecca i pastupleńnie pažyŭnych rečyvaŭ i kisłarodu ŭ skuru. Jak vynik — bledny ćmiany koler tvaru. Razam sa spazmam sasudaŭ na susiednich učastkach adbyvajecca kampiensatornaje rezkaje ich rasšyreńnie — źjaŭlajucca čyrvonyja, zastojnyja plamy na skury».
Kaśmietyk-estetyst Natalla Mucha
Stres bje pa imunitecie, tamu mohuć być abvastreńni prablem i zachvorvańniaŭ skury.
Što rabić?
Pačać varta z karekcyi ŭnutranaha stanu. Prymianiać antystres-praktyki, narmalizavać mikrafłoru kišečnika, prybrać deficyt vitaminaŭ i minierałaŭ.
Voś niekalki parad pa charčavańni:
- uklučyć u racyjon składanyja vuhlavody;
- prybrać pradukty, jakija pravakujuć zapaleńnie: cukar, małako, prostyja vuhlavody, rafiniravanyja pradukty i alei;
- nie prapuskać pryjomy ježy, abaviazkova śniedać, a viačerać — za 3—4 hadziny da snu;
- užyvać dastatkovuju kolkaść klatčatki i fiermientavanych praduktaŭ (naprykład, kisłuju kapustu);
- uvieści ŭ racyjon pradukty, bahatyja na tryptafan: rybu, ptušku, jajki, jahady, arechi, nasieńnie, avakada.
Jakuju kaśmietyku vybrać?
Spynicie vykarystańnie ahresiŭnych srodkaŭ. Pierajdzicie na miakkaje ačyščeńnie i časova vyklučycie z dohladu kisłoty i recinoidy, skraby.
Abaviazkova ŭvilhatnieńnie. Šukajcie takija kampanienty ŭ składzie, jak hijałuronavaja kisłata, mačavina, ałoe, NMF, skvalen.
Adnavicie lipidny barjer skury — hetamu paspryjajuć srodki z ceramidami, alfa-lipojevaj kisłatoj, tłustyja kisłoty.
Źviarnicie ŭvahu na kaśmietyku ź nijacynamidam i centełaj azijackaj. Hetyja kampanienty dapamahajuć palepšyć mikracyrkulacyju ŭ skury, adnavić achoŭnyja funkcyi, umacavać sasudy i prybrać pačyrvanieńni.
Dla adnaŭleńnia mikrabijomu (mikrafłory) skury karysnaj moža być kaśmietyka z prabijotykami.
TrueBiotic — sieryja kaśmietyki z prabijotykam novaha pakaleńnia SymReboot L19. Hety inavacyjny kampanient atrymany pa ŭnikalnaj zapatentavanaj technałohii, jakaja zachoŭvaje niepaškodžanaj kletkavuju abałonku. Dziakujučy hetamu jon zdolny «razmaŭlać» sa skuraj na jaje «movie», imitujučy śpiecyfičnyja ŭłaścivaści žyvoj karysnaj łaktabakteryi Lactobacillus plantarum.
Kamientary