«Jon nie budzie spryjać adzinstvu naroda»: BSDP i «Spraviadlivy śviet» nie buduć udzielničać va «Usiebiełaruskim narodnym schodzie»
Pra heta havorycca ŭ zajavie Prezidyuma Biełaruskaj sacyjał-demakratyčnaj partyi, jakuju apublikavaŭ u svaim fejsbuku staršynia partyi Ihar Barysaŭ.
«Prezidyum BSDP abmierkavaŭ zaprašeńnie z aparata Savieta ministraŭ staršyni partyi Iharu Barysavu pryniać udzieł u VI Usiebiełaruskim narodnym schodzie i paviedamlaje nastupnaje:
Prezidyum BSDP ličyć, što dadzieny schod źjaŭlajecca kansultacyjnym mierapryjemstvam prychilnikaŭ dziejnaj ułady, adnak nie biełaruskaha naroda i nie palityčnych partyj, jakija dahetul nie pryznany subjektami palityčnych pracesaŭ unutry krainy.
Prezidyum BSDP miarkuje, što pytańni pa vychadu z palityčnaha kryzisu nie mohuć razhladacca na Usiebiełaruskim narodnym schodzie praź niekanstytucyjnaść hetaha mierapryjemstva i nieŭpaŭnavažanaść jaho ŭ pytańni pryniaćcia rašeńniaŭ.
Hety schod nie budzie spryjać adzinstvu i kansalidacyi biełaruskaha naroda, a tolki ŭzmocnić supraćstajańnie ŭłady z narodam», — havorycca ŭ zajavie.
Plenum CK Biełaruskaj partyi levych «Spraviadlivy śviet» 7 lutaha taksama prahałasavaŭ suprać udziełu partyi va UNS.
«Pryniata rašeńnie ličyć niemetazhodnym udzielničać staršyni partyi va Usiebiełaruskim narodnym schodzie», — paviedamiŭ BiełaPAN staršynia «Spraviadlivaha śvietu» Siarhiej Kalakin.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary