Daśledčyki: «žavaranki» lepšyja rabotniki za «soŭ» pry tradycyjnym pracoŭnym dni
Daśledavańnie ŭ Finlandyi vyjaviła, što tradycyjny pracoŭny dzień nie pasuje ludziam z režymam savy. A tyja rabotniki, jakija addajuć pieravahu rańnim padjomam, pakazvajuć u dva razy bolšuju pradukcyjnaść na pracy.
Viadoma, što ludzi z ranišnim chranatypam lepš pracujuć ranicaj, u toj čas jak «sovy» addajuć pieravahu viečaru. Ličycca, što chranatyp u peŭnaj stupieni abumoŭleny hienietyčna, adnak hrafik pracy, siamiejnaje žyćcio i ŭździejańnie dzionnaha śviatła taksama adyhryvajuć svaju rolu.
Zhodna ź vidam svajho chranatypu čałaviek vyznačaje dla siabie najlepšy čas sutak dla snu i inšaj dziejnaści. Hety ŭnutrany praces, u svaju čarhu, upłyvaje na abmien rečyvaŭ, režym snu, tempieraturu cieła i navat na harmony.
Finskija daśledčyki apytali 5881 čałavieka, jakija naradzilisia ŭ 1966 hodzie, pra ich pracoŭnaje žyćcio, zdaroŭje i režym snu, kab vyznačyć ich chranatyp u 2012 hodzie, kali im było 46 hadoŭ. Za ŭdzielnikami daśledavańnia nazirali na praciahu čatyroch hadoŭ, piša CNN.
10% i 12% mužčyn i žančyn adpaviedna mieli viečarovy chranatyp, a 72% ź ich byli zadziejničanyja na dzionnaj pracy. Astatnija ŭdzielniki padzialilisia paroŭnu na prychilnikaŭ rańnich padjomaŭ i tych, čyj chranatyp daśledčyki nazyvajuć pramiežkavym.
Čverć ludziej, jakija mieli viečarovy chranatyp, acanili svaju pracu vielmi nizka pa mižnarodna pryniataj škale, raspracavanaj dla vyjaŭleńnia ludziej z drennaj pracazdolnaściu i bolš vysokaj ryzykaj daterminovaha vychadu na piensiju pa stanie zdaroŭja. Siarod žavarankaŭ abo pramiežkavych chranatypaŭ pakazalniki byli značna vyšejšymi.
Daśledavańnie, apublikavanaje ŭ časopisie Occupational & Environmental Medicine, taksama pakazała, što vierahodnaść słabych vynikaŭ na pracy była ŭdvaja vyšejšaja siarod soŭ niezaležna ad połu.
«Kali sovy musiać pracavać ranicaj, to małavierahodna, što jany aceniać svaju pracazdolnaść tak ža vysoka, jak žavaranki. I naadvarot, kali b pracoŭnyja hadziny byli z 15 da 21 hadziny viečara, to ludzi z ranišnim chranatypam adčuvali b siabie horš», — adznačaje Krysten Knutsan, adna z daśledčykaŭ.
Choć daśledavańnie pravodziłasia ŭ Finlandyi, jaho vyniki možna prymianić i da inšych krain, bo ŭnutrany bijałahičny hadzińnik, jaki vyznačaje dla nas čas sutak, kali pracazdolnaść budzie najvyšejšaj, univiersalny.
Daśledčyki rajać pracadaŭcam pačać uličvać chranatyp svaich rabotnikaŭ, bo tradycyjny pracoŭny dzień padychodzić nie ŭsim. Supracoŭnik, jaki padajecca pavolnym ranicaj, moža najbolš efiektyŭna pracavać uviečary. Tamu kali jość mahčymaść ustaloŭvać indyvidualny hrafik, to hetym treba karystacca, kab aptymizavać pracu kampanii ci pradpryjemstva.
-
Hety architektar prajektuje padziemnyja harady dla samych bahatych na vypadak Treciaj suśvietnaj vajny
-
Zornaja biełaruskaja intelektuałka pajšła na realici ad TNT — budzie pleści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary