Premjer Litvy: Paciapleńnia ŭ adnosinach ź Biełaruśsiu ja nie baču, i dla hetaha niama pryčyn
Inha Ruhinienie zajaŭlaje, što ŭ najbližejšy čas adnosiny Litvy ź Biełaruśsiu naŭrad ci paciaplejuć, a dla Minska va ŭzajemadziejańni ź Vilniaj «važniej demanstravać siłu».
«Pakul što ja nie baču paciapleńnia ŭ hetych adnosinach i, vierahodna, dla hetaha niama pryčyn», — zajaviła kiraŭnica ŭrada ŭ intervju BNS u aŭtorak, paviedamlaje LRT.
I. Ruhinienie adznačyła, što abmiarkoŭvała adnosiny Vilni i Minska taksama z adnoj z pradstaŭnic biełaruskaj apazicyi Maryjaj Kaleśnikavaj.
«Pakul Biełaruś prajaŭlaje ahresiju, pakul jana ŭsprymaje tolki movu siły, bačyć, što na nas možna paŭpłyvać tolki ciskam, (…) my sapraŭdy nie bačym mahčymaści chacia b krychu «razmarozić» hetyja adnosiny. My nie padtrymlivajem znosiny na movie siły i vyrazna pra heta zajaŭlajem», — skazała premjer-ministr.
Pavodle słoŭ staršyni Kamiteta Siejma pa zamiežnych spravach Remihijusa Matuzasa, zaraz kankretnaja sustreča namieśnikaŭ ministraŭ Litvy i Biełarusi nie ŭzhadniajecca, adnak u Vilni abmiarkoŭvajecca, jakim moh by być źmiest pieramoŭ ź Minskam i na jakoj niejtralnaj terytoryi jany mahli b adbycca.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj30
Kamientary
Druhaja pryčyna Vilkamir
Treciaja pryčyna Miedniki.....