U Tbilisi prajšła akcyja pratestu pobač z budynkam hatela Vinotel Boutique Hotel, dzie spyniŭsia rasijski žurnalist Uładzimir Poźnier, paviedamlaje RBK sa spasyłkaj na miascovyja ŚMI.
Budynak zakidali jajkami. Poźnier pakinuŭ hatel praz ačapleńnie palicyi. Pavodle źviestak telekanała, jon i jaho supravadžajučyja pierabralisia ŭ hatel Rooms, ale tam užo taksama sabralisia mitynhoŭcy, pačali zakidvać budynak jajkami i pasprabavali ŭvarvacca ŭ jaho. Jak piša Interpress, niekatoryja aktyvisty zajavili, što buduć načavać u hateli i płanujuć praciahnuć pratest ranicaj.
Poźnier prybyŭ u hruzinskuju stalicu, kab adśviatkavać svoj dzień naradžeńnia. «Ja ŭžo treci hod adznačaju svoj dzień naradžeńnia ŭ Tbilisi. Ja pryjechaŭ nie razmaŭlać pra palityku, a adznačyć svoj dzień naradžeńnia», — skazaŭ Poźnier žurnalistam.
Šerah palitykaŭ, naprykład deputat parłamienta Alena Chaštaryja i siabra partyi «Leło dla Hruzii» Hryhoł Hiehielija, zajavili, što vizit žurnalista ŭ krainu niedapuščalny z-za jaho pazicyi pa situacyi ŭ Abchazii i Paŭdniovaj Asiecii.
U pryvatnaści, Poźnier raniej zajaŭlaŭ, što žychary Abchazii nie chacieli być častkaj Hruzii. «I choć heta, viadoma, nie navukovaje daśledavańnie, ale takoje ŭ mianie było adčuvańnie, što naohuł abchazcy nie asabliva chacieli być častkaj Hruzii», — skazaŭ jon u 2017 hodzie.
Uładzimir Poźnier paviedamiŭ «RIA Naviny», što znachodzicca ŭ biaśpiecy. Pa jaho słovach, z Tbilisi jon źbiraŭsia viartacca 3 krasavika. «Ale na siońniašni dzień ja nie viedaju, kali my palacim, moža być i raniej», — udakładniŭ Poźnier.
Paźniej stała viadoma, što žurnalist pakinuŭ krainu.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary