Vysokakvalifikavanyja kadry zastrašanyja situacyjaj z zakonnaściu i svabodami ŭ Biełarusi, hetym karystajucca susiednija dziaržavy. U miežach polskaj prahramy dapamohi biełaruskim ajcišnikam 790 biełarusaŭ užo atrymali vizy dla pierajezdu ŭ Polšču.
Prahrama «Biznes-havań» («Business Harbor») była raspačataja polskim uradam u lutym i ŭžo daje svaje vyniki. Polskija vizy atrymali 790 biełaruskich IT-śpiecyjalistaŭ, paviedamiła pradstaŭnik Polskaha ahienctva inviestycyj i handlu (Polska Agencja Inwestycji i Handlu, PAiH) Monika Hželak (Monika Grzelak).
«My zabiaśpiečvajem biełaruskim IT-śpiecyjalistam i ich siemjam, a taksama ŭładalnikam i supracoŭnikam IT-kampanij admysłovuju paskoranuju imihracyjnuju prahramu, — adznačaje pradstaŭnik PAiH. — Startapy ź Biełarusi atrymlivajuć finansavańnie, a kampanijam, niezaležna ad pamieru, dajecca šerah śpiecyjalizavanych pasłuh, nieabchodnych dla pastupovaha pierachodu ŭ polskuju biznes-ekasistemu».
Premjer-ministr Matevuš Maraviecki napisaŭ u Facebook, što Polšča stanovicca «nadziejnym prytułkam dla prahramistaŭ i supracoŭnikaŭ IT-kampanij ź Biełarusi, jakija byli aktyŭnymi padčas pratestaŭ i padviarhajucca represijam».
Biełaruski IT-siektar źjaŭlajecca adnym z samych raźvitych u śviecie. Pa źviestkach łondanskaha analityčnaha centra Emerging Europe, u Biełarusi ŭdvaja bolš IT-śpiecyjalistaŭ, čym va Uschodniaj Jeŭropie, piša Deutsche Welle.
Choć suśvietnym lidaram u IT-śfiery źjaŭlajecca Indyja, Emerging Europe padličyŭ, što kolkaść IT-supracoŭnikaŭ na 100 tysiač žycharoŭ u Biełarusi ŭ čatyry razy vyšejšaja, čym u Indyi. Adnak palityčnyja represii, ekanamičnaja niestabilnaść i pierśpiektyvy, jakija prapanoŭvajuć krainy ES, vymušajuć vysokakvalifikavanych biełarusaŭ źjazdžać u susiednija krainy.
Kali dla Biełarusi i jaje ekanomiki heta vializnyja straty, to dla Polščy, u svaju čarhu, heta vydatnaja mahčymaść dla raźvićcia vysokich technałohij. U Biełarusi ŭ čatyry razy bolš vypusknikoŭ IT-śpiecyjalnaściaŭ, čym u Polščy. Na dumku ekśpiertaŭ, Biełaruś moža stać prykładam dla Polščy, jak rychtavać prahramistaŭ, bo na polskim IT-rynku nie chapaje vysokakvalifikavanych śpiecyjalistaŭ.
Biełarusy, jakija traplajuć u Polšču pa prahramie «Biznes-havań», mohuć pracavać biez atrymańnia dazvołu.
Tym nie mienš, jak adznačaje Andrej Aŭsijevič, adzin sa stvaralnikaŭ biełaruskaha startapa Bulba Ventures, Polšča — daloka nie adziny centr dla emihracyi biełaruskich ajcišnikaŭ. Asnoŭny patok nakiravany ŭ bok Ukrainy, bo adsutnaść viz i nizkija padatki stanoviacca vyrašalnym faktaram. Pavodle acenak ukrainskich uładaŭ, paśla palityčnych represij 2020-ha ź Biełarusi va Ukrainu pierajechała kala 2500 IT-śpiecyjalistaŭ. Jašče niekalki socień čałaviek pryniała Litva.
Biełaruś pieražyvaje chvalu palityčnych represij, jakoj u Jeŭropie nie było z časoŭ dyktatury «čornych pałkoŭnikaŭ» u Hrecyi 1970-ch. Pavodle statystyki pravaabaroncaŭ, u krainie adbyłosia bolš za 34500 zatrymańniaŭ. Jak minimum 1013 čałaviek stali fihurantami kryminalnych spraŭ palityčnaha charaktaru.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary