My sutykajemsia s fizičnymi siłami ŭ kožny momant našaha žyćcia — naprykład, kali viešajem mahnit na ladoŭniu abo zakidvajem miač u baskietbolny košyk.
Fizičnyja siły vyznačajuć toje, jak abjekty i čaścinki ŭzajemadziejničajuć pamiž saboj, i kožnaja ź ich naležyć da adnoj z čatyroch katehoryj: hravitacyja, elektramahnietyzm, mocnaje ŭzajemadziejańnie i słabaje ŭzajemadziejańnie. Ale ciapier navukoŭcy kažuć, što, mahčyma, jany znajšli prykmiety piataj fundamientalnaj siły pryrody.
Hetaja cikavaja navina pryjšła z Nacyjanalnaj paskaralnaj łabaratoryi imia Enryka Fiermi, što znachodzicca ŭ horadzie Batavija, ZŠA. Na jaje terytoryi prachodzić ekśpierymient Muon g-2 pa pošuku piataj siły pryrody praz vyvučeńnie subatamnych čaścinak pad nazvaj miuony. Jany padobnyja da elektronaŭ, ale ciažejšyja za elektrony bolš čym u 200 razoŭ, tłumačyć VVS.
Padčas ekśpierymientu fiziki puskali čaścinki pa kole dyjamietram 14 mietraŭ i paśla hetaha ŭździejničali na čaścinki mahnitnym polem. Zhodna ź viadomymi ciapier zakonami fiziki, heta pavinna było prymusić miuony chistacca na adpaviednaj chutkaści. Ale na samaj spravie miuony chistalisia z bolšaj chutkaściu, čym čakali navukoŭcy, i heta mahło być vyklikana absalutna nieviadomaj siłaj pryrody.
Brytanskaja Rada pa navukova-techničnym abstalavańni śćviardžaje, što vyniki ekśpierymientu prapanujuć pierakanaŭčyja dokazy isnavańnia nieviadomaj subatamnaj čaścinki abo siły. Ale vučonym pakul što nie chapaje infarmacyi dla kančatkovaha adkryćcia.
Kali piataja siła pryrody narešcie budzie vyjaŭlenaja, heta moža dapamahčy patłumačyć niekatoryja ź vialikich zahadak Suśvietu. Naprykład, navukoŭcy źviazvali toje, što pašyreńnie Suśvietu paskarajecca, ź isnavańniem ciomnaj enierhii. Ale niekatoryja daśledčyki vykazvali mierkavańnie, što pryčyna hetaj źjavy — piataja siła pryrody.
-
U Rasii dla Android zrabili niezvyčajnuju kłavijaturu— jana adrazu pakazvaje termin za kamientar, što vy napisali
-
Navukoŭcy razhadali tajamnicu naradžeńnia Miesiaca
-
Nazad da ručki i zabarona na smartfony: univiersitety vymušanyja źmianiać farmat zaniatkaŭ i kantrolnych, inakš ŠI nie daje ni vučyć, ni pravieryć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary