Jašče adna mahčymaść nablizicca da vyrašeńnia važnaj prablemy.
Płastyk — adziny materyjał štučnaha pachodžańnia, jaki možna znajści i ŭ hlebie, i ŭ pavietry, i ŭ hłybiniach akijanaŭ. Płastyk prabraŭsia ŭ łancuhi charčavańnia, tamu ciapier jaho mikraskapičnyja kavałki traplajuć u čałaviečy arhanizm razam ź ježaj, časam ich znachodziać navat u čałaviečaj płacencie.
Zvykłyja sposaby pierapracoŭki płastyku vielmi ciažkija, i tolki 9% hetaha materyjału, vyrablenaha za historyju čałaviectva, było pierapracavana ŭ novy płastyk. Ale ŭžo šmat hadoŭ isnuje kancepcyja chimičnaj pierapracoŭki, zhodna ź jakoj skarystany płastyk budzie pieraŭtvorany ŭ naftu, ź jakoj jon i byŭ zrobleny, tłumačyć VVS.
Pakul što asnoŭnaj pieraškodaj dla takoj pracy z płastykam było toje, što jana patrabuje nadta vialikuju kolkaść enierhii. Kali taksama ŭličyć, što košty na naftu — źjava niestabilnaja, atrymlivajecca, što bolš vyhadna vyrablać novy płastyk, čym pierapracoŭvać toj, što ŭžo isnuje. Ale niekatoryja kampanii ŭžo sprabujuć pierajści na chimičnuju pierapracoŭku płastyku.
Pry hetym mietad daŭ by mahčymaść pracavać z tym płastykam, jaki nielha pierapracavać starymi mietadami. Niekatoryja pradmiety, naprykład, płastykavyja kantejniery dla ježy, časam składajucca z roznych typaŭ płastyka, i adździalić na zavodzie adzin płastyk ad inšaha dastatkova ciažka. I navat kali pradmiet možna pierapracavać, hetamu mohuć pieraškodzić reštki ježy, što zastalisia.
Samaja ŭniviersalnaja viersija chimičnaj pierapracoŭki — tak zvany syravinny recyklinh, jaki pry dapamozie ciapła padzialaje palimiery na bolš prostyja malekuły. Voś jak heta pracuje.
Płastykavy pradmiet, naprykład butelka, traplaje na ŭstanoŭku pa pierapracoŭcy. Tam jaje myjuć, padzialajuć na maleńkija frahmienty i nakiroŭvajuć u piraliznuju ŭstanoŭku, dzie płastyk raspłaŭlajuć. Paśla ŭ piralizatary płastyk nahravajuć da vielmi vysokich tempieratur, i jon pieratvarajecca ŭ haz. Atrymanaje rečyva astudžvajuć da stanu vadkaści i padzialajuć na frakcyi, jakija potym možna vykarystoŭvać dla roznych metaŭ.
-
Nazad da ručki i zabarona na smartfony: univiersitety vymušanyja źmianiać farmat zaniatkaŭ i kantrolnych, inakš ŠI nie daje ni vučyć, ni pravieryć
-
Google zapuściła Gemini 3.5 Transcribe dla rasšyfroŭki movy. U śpisie jość i biełaruskaja
-
Cim Kuk raźvitaŭsia z pasadaj hienieralnaha dyrektara Apple paśla 15 hadoŭ kiraŭnictva
Ciapier čytajuć
Telegram vydaliŭ svoj aficyjny biełaruski kanał — vierahodna, kab nie padstaŭlać ludziej. Ale mnohija paśpieli padstavicca8
Kamientary