Navukoŭcy: Akuły vykarystoŭvajuć mahnitnaje pole Ziamli dla ŭłasnaj navihacyi
Fłarydskija daśledčyki vyśvietlili, što akuły majuć ułasnuju ŭnutranuju navihacyjnuju sistemu. Heta sistema pracuje padobna da GPS i dazvalaje drapiežnikam karystacca mahnitnym polem Ziamli, kab z dakładnaściu pieramiaščacca na vialikija dystancyi.
Ekśpierymient, što dazvoliŭ zrabić takija vysnovy, praviali navukoŭcy z Univiersiteta štata Fłaryda. Padčas jaho dvaccaci mołat-rybam, pradstaŭnicam siamiejstva mołatahałovych akuł, byli stvoranyja mahnitnyja ŭmovy, jakija imitavali ŭmovy ŭ hieahrafičnych punktach za sotni kiłamietraŭ ad Fłarydy, piša Guardian.
Kali akułam praz mahnitnyja sihnały pakazvali, što jany znachodziacca na adlehłaści ŭ 600 kiłamietraŭ na poŭdzień ad Fłarydy, ryby pačynali płyć na poŭnač, nibyta sprabujučy viarnucca dachaty. Tamu možna zrabić vysnovu, što akuły mohuć adčuvać roźnicu pamiž roznymi hieahrafičnymi łakacyjami, i, chutčej za ŭsio, im dapamahaje ŭ hetym infarmacyja, atrymanaja praz uzajemadziejańnie z mahnitnym polem Ziamli.
Fłarydskija daśledčyki ličać, što ŭnutranaja navihacyjnaja sistema mołat-ryb, chutčej za ŭsio, isnuje i ŭ inšych akuł. Bo było b dziŭna, kali b tolki adzin vid akuł z tych, što padarožničajuć na vialikija dystancyi, mieŭ by ŭsprymalnaść da mahnitnaha pola.
Jašče ŭ 2005 hodzie byli zafiksavanyja niezvyčajnyja pieramiaščeńni asobiny vialikaj biełaj akuły. Drapiežnica prapłyła ad Paŭdniovaj Afryki da Aŭstralii i nazad, ruchajučysia amal pa pramoj linii. Užo tady navukoŭcy pačali schilacca da taho, što akuły, jak i marskija ptuški, amary i čarapachi, zdolnyja ŭsprymać mahnitnaje pole i kiravacca atrymanaj praź jaho infarmacyjaj, kab nie zabłukać padčas padarožžaŭ. Adnak raniej hetuju teoryju amal nie daśledavali.
-
Nazad da ručki i zabarona na smartfony: univiersitety vymušanyja źmianiać farmat zaniatkaŭ i kantrolnych, inakš ŠI nie daje ni vučyć, ni pravieryć
-
Google zapuściła Gemini 3.5 Transcribe dla rasšyfroŭki movy. U śpisie jość i biełaruskaja
-
Cim Kuk raźvitaŭsia z pasadaj hienieralnaha dyrektara Apple paśla 15 hadoŭ kiraŭnictva
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»33
Kamientary