MUS choča pryznać ekstremisckimi materyjały Tut.by i sacsietak partała
Heta vynikaje z zajavy MUS Biełarusi, nakiravanaj 3 červienia ŭ sud Centralnaha rajona Minska, TAA «Tut baj miedyja» i Mininfarmacyi.
U zajavie MUS havorycca pra toje, što padčas manitorynhu internetu ŭ lutym hetaha hoda na partale i ŭ sacyjalnych sietkach partała znajšli «materyjały, jakija zakranajuć intaresy Respubliki Biełaruś», a pry analizie materyjałaŭ «vyjaŭlenyja prykmiety ekstremizmu».
Viedamstva adpraviła materyjały na acenku ŭ Respublikanskuju ekśpiertnuju kamisiju, i 21 maja ŭ rasparadžeńnie HUBAZiKa pastupiła jaje zaklučeńnie №234 ad 12 maja.
«Zhodna z zaklučeńniem kamisii, dziejańni infarmacyjnaha resursu Tut.by pa infarmacyjnym zabieśpiačeńni pratestaŭ, stvareńni mahčymaści vystupać z destruktyŭnymi zaklikami nanosiać škodu nacyjanalnym intaresam Biełarusi ŭ palityčnaj, sacyjalnaj, infarmacyjnaj śfierach i, takim čynam, nacyjanalnaj biaśpiecy Biełarusi», — havorycca ŭ zajavie MUS.
Kankretnych prykładaŭ i nazvaŭ materyjałaŭ TUT.BY, da jakich paŭstali pretenzii, u dakumiencie MUS nie pryvodzicca. Jany jość u dadatku-ekśpiertyzie na 77 staronak, dzie analizavalisia publikacyi za pieryjad sa žniŭnia 2020 pa luty 2021 hoda ŭklučna. 17 červienia z ekśpiertyzaj aznajomilisia pradstaŭniki partała. U joj pakazany šerah materyjałaŭ i cytat, ale skapijavać infarmacyju pradstaŭnikam partała nie dali, piša BAŽ.
Na padstavie vykładzienaha MUS prosić pryznać ekstremisckaj infarmacyjnuju pradukcyju Tut.by (partała, a taksama jaho akaŭntaŭ u Telegram, Viber, Twitter, «UKantakcie», «Adnakłaśnikach» i TikTok). A taksama prosić Mininfarm uklučyć materyjały partała ŭ respublikanski śpis ekstremisckich materyjałaŭ i pryniać miery pa abmiežavańni dostupu da infarmacyjnaj pradukcyi Tut.by, lustranych viersij sajta i anałahaŭ ź inšymi URL-adrasami, «spryjalnymi raspaŭsiudžvańniu vyšejpakazanaj infarmacyjnaj pradukcyi» ŭ internecie na terytoryi Biełarusi.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary