«Stakan u paraŭnańni z kamieraj — raj, kajfanu ŭ cišyni». Palitviazień Dudnikaŭ dasłaŭ maci list z-za krataŭ, u jakim apisaŭ umovy na Vaładarcy
20-hadovy rasijanin Jahor Dudnikaŭ byŭ zatrymany ŭ mai, na jaho zaviali spravu pa art. 342 KK za ahučku rolikaŭ telehram-kanała «AHSB». U liście da maci jon skardzicca na antysanitaryju ŭ kamiery, jon siadzić u SIZA na Vaładarskaha. Kaža, praz heta ludzi pastajanna truciacca. Akramia taho ŭ chłopca prablemy sa snom, ale ich ihnarujuć.
Z dazvołu maci Jahora «Naša Niva» pryvodzić cytaty ź lista:
«U paniadziełak palačyli zub, pastavili časovuju płombu. Psichołah chodzić. Słuchajuć, štości kažuć i sychodziać. Kažuć, kab ja ličyŭ aviečak».
«Zaraz u kamiery 13 čałaviek, kamiera biez prahułak (bolš za pałovu viaźniaŭ nie chočuć chadzić). Samaja prablemnaja kamiera. Pišuć pastajanna raparty na sukamiernikaŭ. Čarha na karcar. Kamiera 67 samaja prablemnaja na pradole. Stakan u paraŭnańni z kamieraj — raj, ja tam kajfanu ŭ cišyni».
«Jość adzin sukamiernik, jaki «ciarpiła», jaho sukamierniki presujuć, bjuć jaho, nichto nie zastupajecca».
«U kamiery jość chvory na ŚNID i hiepatyt. Bajusia pić z kubkaŭ».
Taksama Dudnikaŭ (kuchar pa śpiecyjalnaści) prosić dasłać suchoje małako i kakavu: piša, što ŭ minułaj kamiery jon hatavaŭ tort pad nazvaj «Vaładarskija razvaliny».
Maci Jahora kaža: «Nie razumieju pryčynu ŭzmacnieńnia žorstkaści ŭtrymańnia, jon suprać nie idzie, supracoŭničaje sa śledstvam. A kožny raz umovy ŭsio horš i horš, ciapier u jaho ŭ kamiery za vyklučeńniem adnaho čałavieka ŭsie pa kryminalnych spravach, realna kryminalnych, typu raspaŭsiudu narkotykaŭ».
Maci prosić padtrymać chłopca listami ci paštoŭkami
Adras: SIZA-1, 220030, h. Minsk, vuł. Vaładarskaha, 2
Jahoru Alaksandraviču Dudnikavu
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary