Adnahrupnik z Połacka. «Naša Niva» daviedałasia, za kaho vyjšła zamuž unučka Łukašenki
31 lipienia Viktoryja, starejšaja ŭnučka Alaksandra Łukašenki, vyjšła zamuž. Telehram-kanał «Puł pieršaha» apublikavaŭ fota maładych, ale chto staŭ mužam, nie paviedamlałasia.
«Naša niva» vyśvietliła, što Viktoryja Łukašenka vyjšła zamuž za svajho adnahrupnika.
Viasielle śviatkavali ŭ restaranie «Labiažy», na im prysutničała kala 70 haściej. Byŭ i sam Łukašenka — jaho fota z maładymi vykłaŭ telehram-kanał «Puł pieršaha».
Viktoryi 23 hady, jana starejšaja dačka Viktara Łukašenki.
Imia i padrabiaznaści pra muža nie ahučvalisia ŭ ŚMI. «Naša Niva» adšukała infarmacyju pra jaho.
Chłopca zavuć Dźmitryj Dziatłaŭ. Jon nie minčuk — rodam z Połacka. Skončyŭ tam himnaziju imia Francyska Skaryny, heta adna z najlepšych navučalnych ustanovaŭ u horadzie.
Vypusknik BDU, vučyŭsia na fakultecie mižnarodnych adnosinaŭ. Śpiecyjalnaść — suśvietnaja ekanomika. Skončyŭ vučobu ŭ 2020 hodzie, dypłom Dźmitryja byŭ pryśviečany «pierakryžavanamu zamiežnamu inviestavańniu pamiž ZŠA, ES, Kitajem i Japonijaj». Pieraddypłomnuju praktyku Dziatłaŭ prachodziŭ na pradpryjemstvie «ZachadTransEkśpiedycyja», jakoje zajmajecca pierapracoŭkaj i transparciroŭkaj hazu i naftapraduktaŭ.
Vyhladaje, što padčas vučoby Dźmitryj i paznajomiŭsia ź Viktoryjaj Łukašenka. U 2016 hodzie ŚMI paviedamlali, što jana pastupiła jakraz na fakultet mižnarodnych adnosin BDU, vučyłasia płatna. Śpiecyjalnaść u Viktoryi była taja ž, što i ŭ jaje budučaha muža — suśvietnaja ekanomika.
«My asabliva ź im nie byli siabrami, tamu ciažka kazać niešta kankretnaje, — raskazaŭ «Našaj Nivie» chłopiec, jaki na pieršym kursie žyŭ u adnym pakoi ź Dziatłavym. — Jon zvyčajny chłopiec, jak usie. Dobry, adkryty dla kantaktu. Cikaviŭsia futbołam, — karaciej, standartny małady čałaviek. Vučyŭsia na płatnym, vučyŭsia, zdajecca, narmalna».
Baćka chłopca — dyrektar połackaha pradpryjemstva «Tiechpolin», jakoje zajmajecca vytvorčaściu ramontnych chamutoŭ dla trub.
-
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
-
«U 2015‑m vyjhraŭ $10 tysiač». Biełarusy ŭzhadvajuć, jak i kolki vyjhravali ŭ łatarei
-
Brazilec pradaŭ usiu majomaść i prajechaŭ 2000 kiłamietraŭ dziela žančyny. Ale jaho čakała žorstkaje rasčaravańnie
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary