Ni Azaronka, ni Tura. Apublikavali rejtynh TB-prahram, u topie — «Pole cudaŭ» i rasijskija sieryjały
Dziaržaŭnaje TB z honaram rapartuje pra raźvićcio aŭtarskaj žurnalistyki. Ale ni Azaronak, ni Pustavy, ni Tur, ni bolšaść prapahandysckich filmaŭ nie traplajuć u top.
Rejtynh prahram za lipień apublikavaŭ marketing.by. Źviestki im pradastaviła kampanija «Industryjnyja rašeńni», jakaja analizuje teleprahlady.
Samymi papularnymi akazalisia tranślacyja čempijanatu Jeŭropy pa futbole, rasijskija «Vieści» i nieŭmiručaje «Pole cudaŭ». Za imi — tok-šou «Pryviet, Andrej» i sieryjał «Viedźma». Ź biełaruskich prahram u top-15 trapili tolki «Našy naviny» (10-je miesca) i «Tryvožnaja knopka» (11-je miesca, heta zvodka NS i kryminału).
Najbolšy rejtynh ź biełaruskich kanałaŭ maje ANT. Paśla idzie Rasija-Biełaruś, NTV-Biełaruś, Biełaruś-1, Mir, STB.
Rejtynh za červień padobny. Ale tam na pieršych pazicyjach apynułasia intervju Markava z Pratasievičam i prapahandyscki film pra pasadku samalota. Mierkavana, intares byŭ vyklikany samim skandałam i piersonaj Pratasieviča, bo inšyja vypuski Markava nie traplali ŭ top.
Jašče adzin rejtynh pakazvaje, jakija ź pieradač najbolš papularnyja na kožnym z kanałaŭ. Voś manitorynh za tydzień z 26 lipienia pa 1 žniŭnia. Na ANT lepš za ŭsio hladzieli «Pole cudaŭ», na Biełaruś-1 — «Panaramu», na STB — «Naviny 24 hadziny», na «Mir» — «Spravy sudovyja. Novyja historyi».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary