Pavieł Sieviaryniec zaklikaŭ śviataroŭ vieści nabaženstvy pa-biełarusku chacia b raz na tydzień
Zvarot palitviaźnia, asudžanaha na siem hadoŭ, źmiaściła ŭ svaim fejsbuku jaho žonka Volha Sieviaryniec.
«Pavažanyja śviatary, pastary, vierniki! Pryjšoŭ čas skazać pra nabaženstvy ŭ biełaruskich cerkvach pa-biełarusku.
Siarod vidavočnych pryčynaŭ našaj siońniašniaj biady — admaŭleńnie ad dadzienaj Boham movy. Hospad daŭ kožnamu narodu svaju ŭłasnuju movu — kab praduchilić pabudovu suśvietnaj impieryi zła i pastavić zasłon hrechu ahulnačałaviečaj pychi», — kaža Pavieł.
«Niachaj usio pačniecca chacia b z adnaho biełaruskamoŭnaha nabaženstva na tydzień. Boh dapamoža i natchnić ludziej. Niaŭžo biełarusy nia vartyja adnaho biełaruskamoŭnaha nabaženstva na 7 dzion, braty? Niaŭžo tak i budziem malicca da Boha nie pa-biełarusku?
Boh daŭ nam movu — a my admaŭlajemsia dy hrebliva adkidajem jaje.
Čas pakajacca za toje, što vyraklisia Božaha daru — i stvarać płod, varty pakajańnia. Jość ža cudoŭnyja pravasłaŭnyja i jevanhielskija supolnaści, dzie biełaruskaja mova kvitnieje! Pierajmajcie!» — zaznačyŭ Pavieł Sieviaryniec.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary